ທ່ານ ຫງວຽນແມ້ງຮຸ່ງ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານ, ທູດພິເສດຂອງທ່ານນາຍົກລັດຖະມົນຕີ ຫວຽດນາມມາເຂົ້າຢ້ຽມຂ່ຳນັບທ່ານນາຍົກລັດຖະມົນຕີ ຕີມໍຕາເວັນອອກ Taur Matan Ruak (ພາບ: TTXVN)

ເນື່ອງໃນໂອກາດໄປຢ້ຽມຢາມ, ເຮັດວຽກຢູ່ ຕີມໍຕາເວັນອອກ ໃນລະຫວ່າງວັນທີ 30 – 31 ສິງຫາ, ທ່ານ ຫງວຽນແມ້ງຮຸ່ງ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານ, ທູດພິເສດຂອງທ່ານນາຍົກລັດຖະມົນຕີ ຫວຽດນາມ, ໄດ້ເຂົ້າຮ່ວມພິທີສະເຫຼີມສະຫຼອງ 20 ປີແຫ່ງວັນລົງປະຊາມະຕິກ່ຽວກັບເອກະລາດຂອງ ຕີມໍຕາເວັນອອກ, ເຂົ້າຮ່ວມກອງປະຊຸມຄົບຄະນະຂອງສະພາແຫ່ງຊາດ ຕີມໍຕາເວັນອອກ, ຢ້ຽມຢາມສຳນັກງານບໍລິສັດໂທລະຄົມມະນາຄົມ Viettel Timor.

        ຕອນເຊົ້າວັນທີ 31 ສິງຫາ, ເມື່ອໄປຢ້ຽມຢາມ, ເຮັດວຽກກັບບໍລິສັດໂທລະຄົມມະນາຄົມ Viettel Timor. ໂອ້ລົມກັບຖັນແຖວພະນັກງານການນຳ, ພະລະກອນບໍລິສັດ Telemor, ທ່ານ ຫງວຽນແມ້ງຮຸ່ງ ໄດ້ຕັກເຕືອນວ່າ: ໄລຍະຈະມາເຖິງ, Telemor ຄວນສືບຕໍ່ຮັກສາໄດ້ຄຸນນະພາບໂທລະຄົມມະນາຄົມທີ່ດີ, ເພື່ອຮັກສາທີ່ຕັ້ງທີ 1 ຢູ່ Telemor (ພັດທະນາແຮງສຸດ, ຄຸນນະພາບດີສຸດ, ລາຄາຖືກສຸດ).

        ທ່ານ ຫງວຽນແມ້ງຮຸ່ງກໍ່ສະເໜີໃຫ້ Telemor ສົມທົບກັບກະຊວງຖະແຫຼງຂ່າວ ແລະ ການສື່ສານຢ່າງແໜ້ນແຟ້ນເພື່ອສົ່ງຄະນະນັກຊ່ຽວຊານ ຫວຽດນາມ ໄປຊ່ວຍຍົກສູງກຳລັງຄວາມສາມາດໃນການຄຸ້ມຄອງຂອງບັນດາອົງການວີຊາສະເພາະຂອງ ຕີມໍ ຕາເວັນອອກໃນຂົງເຂດຄືການຄຸ້ມຄອງຄວາມຖີ່, ຫັນເປັນດີຈີຕອນ.ຫຼັງຈາກເຮັດວຽກກັບ Telemor, ທ່ານ ຫງວຽນແມ້ງຮຸ່ງ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານ, ທູດພິເສດຂອງທ່ານນາຍົກລັດຖະມົນຕີ ຫວຽດນາມໄດ້ເດີນທາງກັບເມືອປະເທດ, ສິ້ນສຸດການຢ້ຽມຢາມ ແລະ ເຮັດວຽກຢູ່ ຕີມໍ ຕາເວັນອອກຢ່າງດີງາມ.