(vovworld) - ວັນ​ທີ 29/12, ທ່ານລັດຖະມົນຕີ​ການ​ຕ່າງປະ​ເທດ​ລັດ​ເຊຍ Sergey Lavrov ​ໄດ້​ໃຫ້ການ​ຕ້ອນຮັບ​ທູດ​ພິ​ເສດ​ລວມຂອງ​ສະຫະ​ປະຊາ​ຊາດ ​ແລະ ສະຫະພັນອາຣັບ ກ່ຽວ​ກັບ​ບັນຫາ ຊີຣີ, ທ່ານ Lakhdar Brakhimi ທີ່​ພວມ​ຢູ່​ຢ້ຽມຢາມ ​ແລະ ​ເຮັດ​ວຽກ​ຢູ່​ລັດ​ເຊຍ, ​ເພື່ອ​ແນ​ໃສ່​ຊອກຫາ​ມາດ​ຕະການ​ຢຸດຕິ​ວິ​ກິດ​ການ​ການ​ເມືອງ​ທີ່​ແກ່ຍາວ ​ເກືອບ 21 ​ເດືອນ​ຜ່ານ​ມາ​ຢູ່ ຊີຣີ. ​ເນື້ອ​​ໃນ​ຕົ້ນ​ຕໍ່​ຂອງ​ການ​ພົບ​ປະ ​ແມ່ນ ​ເພີ່ມ​ທະວີ​ບົດບາດ​ຂອງ​ສະຫະ​ປະຊາ​ຊາດ​ໃນ​ການ​ແກ້​ໄຂ ​ແລະ ຢຸດຕິ​ການ​ປະ​ທະ​ກັນ​ດ້ວຍ​ກຳລັງປະກອບ​ອາວຸດ​ລະຫວ່າງ​ທະຫານ​ລັດຖະບານ ​ແລະ ຝ່າຍ​ຄ້ານ​ຢູ່ ຊີຣີ ​ໂດຍ​ໄວ.  ກ່ອນ​ໜ້າ​ນັ້ນ, ທ່ານລັດຖະມົນຕີ​ການ​ຕ່າງປະ​ເທດ​ລັດ​ເຊຍ Sergey Lavrov ຖະ​ແຫຼ​ງວ່າ: ລັດຖະບານ ຊີ​ຣີ ຕ້ອງ​ເຫັນ​ຈິດ​ໃຈ​ພ້ອມ​ແລ້ວ​ທີ່​ຈະ​ເຈລະຈາ​ກັບ​ຝ່າຍ​ຄ້ານ​ເປັນ​ລະອຽດ ​ແລະ ລດ​ເຊຍ ຫວັງ​ວ່າ: ບັນດາ​ກຳລັງ​ຝ້າ​ຍຄ້ານ​ຢູ່ ຊີຣີ ຈະ​ເຂົ້າ​ຮ່ວມ​ບັນດາ​ການ​​ເຈລະຈາຢ່າງ​ຕັ້ງໜ້າ ​ເພື່ອ​​ແນ​ໃສ່​ແກ້​ໄຂ​ຂໍ້​ຕິດ​ຂັດ​ດ້ານ​ການ​ເມືອງ​ໃນ​ປະຈຸ​ບັນ. ບັນດາ​ການ​ເຈລະຈາ​ນີ້ ຕ້ອງ​ແມ່ນ​ຊາວ ຊີຣີ ດຳ​ເນີນ, ດ້ວຍ​ການ​ເຂົ້າຮ່ວມ​ຂອງ​ທຸກໆກຸ່ມ, ບັນດາ​ຝ່າຍ​ການ​ເມືອ​ງຢູ່ ຊີຣີ.