ທ່ານ Lakhdar Brahimi

(ພາບ:vov.vn)

(vovworld)- ​ວັນ​ທີ 13/9,  ທ່ານ Lakhdar Brahimi ທູດພິເສດລວມຄົນ​ໃໝ່ຂອງ ສປຊ ແລະ ສະຫະພັນອາຣັບ ຫລື AL ​ໄດ້​​ເດີນທາງ​ໄປ​ນະຄອນ Damacus ໃນການ ຢ້ຽມຢາມຊີຣີ ຢ່າງເປັນທາງການຄັ້ງທຳອິດ ເພື່ອແນໃສ່ຊອກຫາມາດຕະການ ຢຸດຕິວິ​ກິດ​ການ​ອັນ​ນອງ​ເລືອດ​ທີ່​ແກ່ຍາວ​ເກືອບ 18 ​ເດືອນ​ຜ່ານ​ມາ​ຢູ່​ປະ​ເທດ​ຕາ​ເວັນ​ອອກ​ກາງ​ນີ້. ທ່າ​ນ Lakhdar Brahimi ຈະ​ມີ​ການ​ເຈລະຈາ​ກັບ​ອຳນາດ​ການ​ປົກຄອງ​ຊີຣີ ກໍ່​ຄື​ຜູ້ຕາງໜ້າ​ຂອງ​ຝ່າຍ​ຄ້ານ. ໜ້າ​ທີ່​ຂອງ​ທ່ານ Lakhdar Brahimi ​ແມ່ນ​ຊຸກຍູ້​ມາດ​ຕະການ​ທາງ​ການ​ທູດ​ໃຫ້​ແກ່​​ຊີຣີ.

   ວິຈານ​ກ່ຽວ​ກັບ​ການ​ຢ້ຽມຢາມ​ຂອງ​ທ່ານ Lakhdar Brahimi, ທ່ານ Faisal Muqdad ຮອງ​ລັດຖະມົນຕີ​ການ​ຕ່າງປະ​ເທດ​ຊີຣີ ​ໃຫ້​ຮູ້​ວ່າ, Damacus ​ເຊື່ອໝັ້ນວ່າ: ທ່ານ​ທູດ​ພິ​ເສດ​ຄົນ​ໃໝ່​ຈະ​ມີ​ຄວາມ​ເຂົ້າ​ໃຈ​ລວມກ່ຽວ​ກັບ​ສະພາບ​ການ​ກໍ່​ຄື​ທິດ​ທາງ​ແກ້​ໄຂ ​ເຖິງ​ວ່າ​ບັນຫາ​ຍັງ​ສັບສົ​ນທີ່​ສຸດ​ກໍ່ຕາມ,  ທ່ານ​ເວົ້າວ່າ: “ພວກ​ຂ້າພະ​ເຈົ້າມີ​ຄວາມ​ປະ​ເອີ​ບ​ໃຈ ​ແລະ ຫວັງ​ວ່າ ທ່ານ Lakhdar Brahimi ຈະ​ປະສົບ​ຜົນສຳ​ເລັດ“.