(VOVWORLD) -ໃນຮອບເວລາ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກກວ່າ 362.000 ຄົນ ແລະ ມີຜູ້ເສຍຊີວິດກວ່າ 5.500 ຄົນ.
 ໂຮງໝໍ ຢູ່ ອາກາຣາ, ຕວັກກີ (ພາບ: THX/TTXVN) |
ຕາມເວັບໄຊສະຖິຕິ worldometer.info ແລ້ວ, ໃນຮອບເວລາ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກກວ່າ 362.000 ຄົນ ແລະ ມີຜູ້ເສຍຊີວິດກວ່າ 5.500 ຄົນ. ໄລ່ມາຮອດປັດຈຸບັນ, ຈໍານວນຜູ້ຕິດເຊື້ອໂຄວິດ - 19 ທັງໝົດໃນທົ່ວໂລກ ແມ່ນກວ່າ 244 ລ້ານຄົນ, ໃນນັ້ນ ມີຜູ້ເສຍຊີວິດກວ່າ 4,95 ລ້ານຄົນ.
ສາມປະເທດທີ່ມີຈໍານວນຜູ້ຕິດເຊື້ອຫຼາຍທີ່ສຸດໃນຮອບເວລາ 24 ຊົ່ວໂມງຜ່ານມາ ແມ່ນ ອັງກິດ, ລັດເຊຍ ແລະ ຕວັກກີ.
ສາມປະເທດມີຈຳນວນຜູ້ເສຍຊີວິດຫຼາຍທີ່ສຸດໃນໂລກໃນ 24 ຊົ່ວໂມງຜ່ານມາ ລວມມີ ລັດເຊຍ, ອິນເດຍ ແລະ ຢູແກຼນ.
ໃນຊຸມວັນມໍ່ໆມານີ້, ຈໍານວນຜູ້ຕິດເຊື້ອ ແລະ ຜູ້ເສຍຊີວິດໃໝ່ຢູ່ ລັດເຊຍ ຍາມໃດກໍຢູ່ໃນລະດັບສູງ. ໄລ່ມາຮອດປັດຈຸບັນ, ລັດເຊຍ ມີຜູ້ຕິດເຊື້ອທັງໝົດກວ່າ 8,2 ລ້ານຄົນ ແລະ ມີຜູ້ເສຍຊີວິດກວ່າ 229.000 ຄົນ
ປັດຈຸບັນ, ອາເມລິກາ ຍັງຄົງແມ່ນປະເທດຢືນອັນດັບ 1 ໃນໂລກ ດ້ວຍຈຳນວນຜູ້ຕິດເຊື້ອກວ່າ 46,2 ລ້ານຄົນ ແລະ ຜູ້ເສຍຊີວິດແມ່ນກວ່າ 756.000 ຄົນ/.