ການຊ່ວຍເຫຼືອເຂົ້າສານໃຫ້ຜູ້ທຸກຍາກເນື່ອງໃນໂອກາດບຸນເຕັດ
|
Vovworld- ຍັງເຫຼືອພຽງໜຶ່ງເດືອນອີກ ກໍຈະຮອດບຸນປີໃໝ່ປະຈຳຊາດຫຼືເອີ້ນວ່າ ບຸນເຕັດ, ໃນຊຸມມື້ນີ້, ຢູ່ທ້ອງຖິ່ນຕ່າງໆໃນທົ່ວປະເທດພວມຕັ້ງໜ້າຜັນຂະຫຍາຍບັນດາການເຄື່ອນໄຫວເບິ່ງແຍງດູແລໃຫ້ແກ່ຄົນທຸກຍາກແນໃສ່ຮັບປະກັນໃຫ້ທຸກໆຄອບຄົວລ້ວນແຕ່ໄດ້ຕ້ອນຮັບ ບຸນເຕັດດ້ວຍຄວາມອົບອຸ່ນ, ເບີກບານມ່ວນຊື່ນ ແລະ ປະຢັດ.
ແຂວງແທງຮ້ວາ ໄດ້ກະກຽມຂອງຂວັນ 35.000 ພູດ, ແຕ່ລະພູດມີມຸນຄ່າແຕ່ 200.000 ດົງຂຶ້ນໄປ ເພື່ອມອບໃຫ້ແກ່ບັນດາເປົ້າໝາຍທີ່ທຸກຍາກ. ນອກຈາກນັ້ນ, ທາງແຂວງ ຍັງມີຂອງຂວັນເກືອບ 450 ພູດ, ແຕ່ລະພູດມີມູນຄ່າ 500.000 ດົງ ເພື່ອມອບໃຫ້ແກ່ບັນດາຄອບຄົວປະສົບກັບຄວາມຫຍຸ້ງຍາກເປັນພິເສດ. ທ່ານນາງ ຈິ້ງທິຕຽບ ປະທານສະພາກາແດງແຂວງ ແທງຮ້ວາ ເວົ້າວ່າ :
“ ພວກຂ້າພະເຈົ້າໄດ້ຮຽກຮ້ອງໃຫ້ພໍ່ແມ່ພີນ້ອງທຸກຄົນໃນບ້ານ, ແຕ່ລະຄົນຈົງໃຫ້ການຊ່ວຍເຫຼືອເຂົ້າສານສ່ວນໜຶ່ງ ແລະ ເງິນສົດເພື່ອມອບໃຫ້ແກ່ບັນດາຜູ້ທີ່ປະສົບກັບຄວາມຫຍຸ້ງຍາກເປັນພິເສດໃນໝູ່ບ້ານ. ວຽກງານນີ້ກໍແມ່ນເພື່ອເພີ່ມທະວີຄວສາມສາມັກຄີ, ຜູກພັນກັນລະຫວ່າງບັນດາຄອບຄົວ, ຈາກນັ້ນກໍຮຽກຮ້ອງໃຫ້ມີການຊ່ວຍເຫຼືອຈາກວົງຄະນະຍາດຕື່ມອີກ. ”
ໃນຂະນະນັ້ນ, ແຂວງກວາງນິງ ກໍພວມດຳເນີນການສຳຫຼວດ, ກວດກາບັນດາເປົ້າໝາຍຄອບຄົວທຸກຍາກ,ເປົ້າໝາຍນະໂຍບາຍ-ສັງຄົມເພື່ອໜູນຊ່ວຍໃນໂອກາດບຸນເຕັດປີນີ້. ສ່ວນນະຄອນ ດານັ້ງ ໄດ້ຕົກລົງຫັກເງິນກ່ວາ 20 ຕື້ດົງເພື່ອຊື້ຂອງຂວັນ, ໜູນຊ່ວຍໃຫ້ແກ່ບັນດາເປົ້າໝາຍນະໂຍບາຍ-ສັງຄົມໃນບໍລິເວນນະຄອນ ໃນໂອກາດບຸນເຕັດປີນີ້.