ກ່າວຄຳເຫັນນະທີ່ນີ້ ທ່ານເຈີນແທງເໝີນ ປາດຖະຫນາວ່າ ບັນດາຄຸນພໍ່ຢູ່ ສຳນັກງານສັງຄະນາຍົກ ເກີນເທີ ສືບຕໍ່ສະຫນັບສະຫນູນບັນດາການຂົນຂວາຍໂດຍແນວໂຮມປະເທດຊາດ ຫວຽດນາມ ປຸກລະດົມ, ປະກອບສ່ວນກຳລັງແຮງເພື່ອສຳເລັດບັນດາຄາດໝາຍເສດຖະກິດ ສັງຄົມ.

ໃນການຢ້ຽມຢາມອົງການຈັດຕັ້ງສາສະຫນາຈຳນວນຫນຶ່ງຢູ່ບໍລິເວນແຂວງ ກອນຕູມ ໃນຕອນເຊົ້າວັນທີ 23 ທັນວາ, ທ່ານ ເຈືອງຮ່ວາບີງ, ຮອງນາຍົກລັດຖະມົນຕີຜູ້ປະຈຳການລັດຖະບານ ໄດ້ອວຍພອນໃຫ້ບັນດາຫລວງພໍ່, ຄຸນພໍ່, ພິກສຸນີພ້ອມກັບຊາວຄຼິດ ໃນບໍລິເວນແຂວງ. ທ່ານຮອງນາຍົກລັດຖະມົນຕີ ປາດຖະຫນາວ່າ ໃນໄລຍະຈະມາເຖິງ, ຄຸນພໍ່, ຫລວງພໍ່, ຜູ້ມີຍົກສັກຕຳແຫນ່ງທາງສາສະຫນາ ສືບຕໍ່ຮ່ວມເດີນທາງພ້ອມກັບພັກ, ລັດ, ແນວໂຮມປະເທດຊາດ ໃນການຊີ້ນຳນຳພາທົ່ວປວງຊົນ, ຊາວຄຼິດເພື່ອສ້າງສາ ແລະ ປົກປັກຮັກສາ, ພັດທະນາປະເທດຊາດ ຮັບໃຊ້ພະເຢຊູ, ຮັບໃຊ້ປະເທດຊາດ. ກ່ຽວກັບລັດຖະບານ, ທ່ານຮອງນາຍົກລັດຖະມົນຕີ ໃຫ້ຮູ້ວ່າ: ເພື່ອສ້າງເງື່ອນໄຂໃຫ້ບັນດາສາສະຫນາເຄື່ອນໄຫວ, ລັດຖະບານຈະປະກາດໃຊ້ດຳລັດແນະນຳການຜັນຂະຫຍາຍປະຕິບັດກົດໝາຍວ່າດ້ວຍການເຫລື້ອມໃສສາສະຫນາ.

        “ໄລຍະຈະມາເຖິງ ຫວຽດນາມຈະຜັນຂະຫຍາຍການປະຕິບັດກົດໝາຍວ່າດ້ວຍການເຫລື້ອມໃສສາສະຫນາ. ຈະມີດຳລັດຂອງລັດຖະບານແນະນຳເພື່ອສ້າງເງື່ອນໄຂໃຫ້ແກ່ບັນດາສາສະຫນາເຄື່ອນໄຫວ. ສຳລັບພະເຢຊູ, ສາສະຫນາໂປແຕດສະຕັງ ແມ່ນບັນດາສາສະຫນາຊື່ງລັດຖະບານມີຄວາມເອົາໃຈໃສ່.”