ພາບປະກອບ (vneconomy.vn).

ເພື່ອແນໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດກ່ຽວກັບແຫຼ່ງທຶນກູ້ຢືມເພື່ອພັດທະນາການຜະລິດ, ດຳເນີນທຸລະກິດ, ຕອນເຊົ້າວັນທີ 18 ເມສາ, ທະນາຄານແຫ່ງລັດ ຫວຽດນາມ ໄດ້ສົມທົບກັບຄະນະກຳມະການປະຊາຊົນນະຄອນ ໂຮ່ຈີມິນ ຈັດຕັ້ງກອງປະຊຸມເຊື່ອມຕໍ່ລະຫວ່າງ ທະນາຄານ  ແລະ ວິສາຫະກິດ.

ທີ່ກອງປະຊຸມ, ມີວິສາຫະກິດ ຫຼາຍແຫ່ງໄດ້ຖືວ່າ ທະນາຄານຄວນເພີ່ມອັດຕາການໃຫ້ກູ້ຢືມມີແນວຄ້ຳປະກັນ, ກູ້ຢືມຕາມຂະແໜງອາຊີບຕື່ມອີກ, ເອົາໃຈໃສ່ຕໍ່ບັນດາວິສາຫະກິດທຳການຜະລິດ, ສົ່ງອອກ ແລະ ວິສາຫະກິດ ຂະໜາດນ້ອຍທີ່ຜະລິດດ້ວຍເຕັກໂນໂລຢີທີ່ເປັນມູນເຊື້ອໃຫ້ຫຼາຍກ່ວາອີກ.

ຕໍ່ໜ້າສະພາບການຕົວຈິງນັ້ນ, ການນຳທະນາຄານແຫ່ງລັດ ຫວຽດນາມ ໄດ້ຮຽກຮ້ອງໃຫ້ບັນດາທະນາຄານແກ້ໄຂບັນດາຄວາມຫຍຸ້ງຍາກ ຫາກຍົກອອກມາ ແລະ ສ້າງເງື່ອນໄຂສະດວກໃຫ້ແກ່ບັນດາວິສາຫະກິດໄດ້ກູ້ຢືມທຶນດ້ວຍອັດຕາດອກເບ້ຍທີ່ເໝາະສົມ.