ບັນດາຜູ້ແທນເຂົ້າຮ່ວມກອງປະຊຸມ ສຳມະນາ (ພາບ: baotravinh.vn)

        ວັນທີ 29 ຕຸລາ, ຢູ່ແຂວງ ຈ່າວິງ, ຄະນະຄຸ້ມຄອງໂຄງການໜູນຊ່ວຍການພັດທະນານະຄອນຈ່າວິງ ໄດ້ຈັດ ກອງປະຊຸມສຳມະນາຮູບແບບທຳມາຫາກິນ ທີ່ມີຄວາມສາມາດຮັບມືກັບການປ່ຽນແປງຂອງດິນຟ້າອາກາດຂຶ້ນ. ນີ້ແມ່ນການເຄື່ອນໄຫວໃນຂອບເຂດ ໂຄງການ “ສ້າງຄວາມສາມາດໃຫ້ແກ່ປະຊາຄົມເພື່ອແນໃສ່ຮັບມືກັບໄພທຳມະຊາດ” ໄລຍະ ທີ 2 (ເດືອນ ສິງຫາ 2019 – ເດືອນ ກໍລະກົດ 2022) ໂດຍອົງການ “ເຂົ້າຈີ່ໃຫ້ໂລກ” (BfdW) ແລະ ອົງການ ActionAid ຫວຽດນາມ (AAV) ອຸປະຖຳ.

        ກອງປະຊຸມສຳມະນາແມ່ນການໂອ້ລົມສົນທະນາ ລະຫວ່າງນັກອຸປະຖຳ ອົງການ BfdW/AAV ກັບອຳນາດການປົກຄອງທ້ອງຖິ່ນ, ປະຊາຄົມສະຖານທີ່ປະຕິບັດໂຄງການ ແລະ ບັນດາຝ່າຍທີ່ກ່ຽວຂ້ອງ. ຜ່ານກອງປະຊຸມສຳມະນາ, ຄະນະຄຸ້ມຄອງໄດ້ສະເໜີຂົນຂວາຍງົບປະມານແຫ່ງລັດທະວີຄູນຮູບແບບທຳມາຫາກິນແບບຍືນຍົງທີ່ມີຄວາມສາມາດຮັບມືກັບການປ່ຽນແປງຂອງດິນຟ້າອາກາດ.

        ໃນໄລຍະທີໜຶ່ງຂອງໂຄງການ, ມີ 30 ຄອບຄົວທີ່ມີເງື່ອນໄຂດ້ານເສດຖະກິດປະສົບກັບຄວາມຫຍຸ້ງຍາກ ຢູ່ 3 ບ້ານ ໄດ້ຮັບການໜູນຊ່ວຍປະຕິບັດຮູບແບບທຳມາຫາກິນປູກຜັກອົງຄະທາດ ໃນເຮືອນຕາໜ່າງ ແລະ 1 ສະຫະກອນກະສິກຳ ໄດ້ຮັບການສ້າງຕັ້ງຂຶ້ນ ໃນທ້າຍປີ 2018, ປະກອບສ່ວນນຳມາເຊິ່ງປະສິດທິຜົນດ້ານເສດຖະກິດ, ປັບປຸງຊີວິດການເປັນຢູ່ຂອງບັນດາຄອບຄົວທີ່ເຂົ້າຮ່ວມ, ພິເສດແມ່ນແມ່ຍິງ.