(vovworld) – ວັນທີ 08/12, ອາເມລິກາ ແລະ ອົງການ NATO ໄດ້ສິ້ນສຸດໜ້າທີ່ຕໍ່ສູ້ຢູ່ອາບການິດສຖານ, ພາຍຫຼັງ 13 ປີ ທີ່ສູ້ຮົບຢູ່ປະເທດນີ້, ແນໃສ່ໂຄ່ນລົ້ມລັດຖະບານໂດຍ Taliban ນຳໜ້າ. ກອງບັນຊາການກຳລັງໜູນຊ່ວຍຄວາມສະຫງົບສາກົນ (ISAF) ຂອງ NATO, ຮັບຜິດຊອບບັນດາການເຄື່ອນໄຫວສູ້ຮົບ, ໄດ້ຊັກທຸງລົງ, ສິ້ນສຸດການຜັນຂະຫຍາຍການທະຫານຢູ່ອາບການິດສຖານ ຢ່າງເປັນທາງການ. ນາຍພົນອາເມລິກາ F.Cambell, ຜູ້ບັນຊາການບັນດາກຳລັງອາເມລິກາ ແລະ NATO ຢູ່ອາບການິດສຖານ ໃຫ້ຮູ້ວ່າ, ໜ້າທີ່ຂອງ ISAF ແມ່ນສືບຕໍ່ຝຶກອົບຮົມ ແລະ ໜູນຊ່ວຍກຳລັງປ້ອງກັນຄວາມສະຫງົບ ອາບການິດສຖານ. ທ່ານນາຍພົນ Cambell ແລ້ວ, ປະຈຸບັນບັນດາກຳລັງ ອາບການິດສຖານ ມີຄວາມສາມາດຢ່າງພຽງພໍ່ເພື່ອຮັບຜິດຊອບໜ້າທີ່ຮັກສາຄວາມສະຫງົບປອດໄພໃຫ້ແກ່ປະເທດຊາດແລ້ວ, ໃນຄວາມຈິງແມ່ນໄດ້ຊີ້ນຳການຕໍ່ສູ້ຕ້ານ Taliban ນັບແຕ່ກາງປີ 2013.
ເລື່ອງສິ້ນສຸດໜ້າທີ່ຕໍ່ສູ້ຂອງພັນທະມິດສາກົນຢູ່ອາບການິດສຖານ ດຳເນີນໄປໃນສະພາບ Taliban ພວມເພີ່ມທະວີບັນດາການເຄື່ອນໄຫວຕ້ານທຳລາຍອຳນາດການປົກຄອງ Kabul. ວັນທີ 08/12, ຢ່າງໜ້ອຍສຸດມີ 11 ຄົນເສຍຊີວິດ ແລະ 7 ຄົນຖືກບາດເຈັບ ເມື່ອບັນດາມືປືນ Taliban ແລະ ຜູ້ວາງລະເບີດສະຫຼະຊີບ ບຸກໂຈມຕີສຳນັກງານລັດຖະບານຢູ່ແຂວງ Kandehar, ທາງພາກໃຕ້ ອາບການິດສຖານ.