(vovworld) –  ​ວັນ​ທີ 21/4, ທະ​ຫານ​ປະ​ສົມ​ບັນ​ດາ​ປະ​ເທດ ອາ​ຣັບໂດຍ ອາ​ຣັບ​ບ​ີ ຊາ​ອຸ​ດິ ນຳ​ໜ້າ, ໂຄ​ສົກ​ຂອງບັ້ນ​ບຸກ​ໂຈມ​ຕີ​ຂອງ​ທ​ະ​ຫານ​ປະ​ສົມ, ທ່ານ​ພົນ​ວາ​ທີ Ahmed al – Assiri, ໄດ້​ປະ​ກາດ​ສິ້ນ​ສຸດບັ້ນ​ຮົບ​ທີ່​ແກ່​ຍາວ​ເປັນ​ເວ​ລາ 4 ອາ​ທິດ, ເປັນ​ຕົ້ນ​ແມ່ນ​ບັນ​ດາ​ການ​ບຸກ​ໂຈມ​ຕີ​ແນ​ໃສ່​ກຳ​ລັງ​ທະ​ຫານ​ກະ​ບົດ Houthi ນິ​ກາຍ ຊີ​ອະ ຢູ່ Yemen, ພ້ອມ​ທັງ​ຢັ້ງ​ຢືນ​ວ່າ: ໄພ​ນາບ​ຂູ່​ຈາກ​ກຳ​ລັງ​ນີ້​ທີ່​ມີ​ຕໍ່ ອາ​ຣັບ​ບີ ຊາ​ອຸ​ດິ ແລະ ບັນ​ດາ​ປະ​ເທດ​ບ້ານ​ໃກ້​ເຮືອນ​ຄຽງ​ຖືກ​ລົບ​ລ້າງ​ແລ້ວ. ເຖິງ​ຢ່າງ​ໃດ​ກໍ່​ຕາມ, ທ່ານ​ພົນ​ວາ​ທີ Ahmed al – Assiri ໃຫ້​ຮູ້​ວ່າ: ທະ​ຫານ​ປະ​ສົມ​ສືບ​ຕໍ່​ຈັດ​ວາງ​ຄຳ​ສັ່ງ​ປິດ​ລ້ອມ​ທະ​ຫານ​ເຮືອ ສຳ​ລັບ Yemen ແລະ ເພື່ອ​ແນ​ໃສ່​ຈຸດ​ປະ​ສົງ​ສະ​ກັດ​ກັ້ນ​ບໍ່​ວ່າ​ການ​ກະ​ທຳ​ໃດໆ​ຂອງ​ທະ​ຫານ​​ກະ​ບົດ Houthi. ທະ​ຫານ​ປະ​ສົມ​ຖື​ວ່າ: ໄລ​ຍະ​ຕໍ່​ໄປ​ຂອງບັ້​ນ​ຮົບ​ແມ່ນ​ເພື່ອ​ຟື້ນ​ຟູ​ວິ​ວັດ​​ທະ​ນາການ​ການ​ເມືອງ​ຢູ່ Yemen, ສະ​ໜອງ​ການ​ອຸ​ປະ​ຖຳ ແລະ “ຕໍ່​ສູ້​ຕ້ານ​ການກໍ່​ການ​ຮ້າຍ” ຢູ່​ປະ​ເທດນີ້.