ທ່ານ Matt Gaetz ສະມາຊິກສະພາຕ່ຳ (ພາບ: The New York Times)

ວັນທີ 13 ພະຈິກ, ທ່ານປະທານາທິບໍດີ ອາເມລິກາ Donald Trump ໄດ້ປະກາດແຕ່ງຕັ້ງຢ່າງເປັນທາງການ ທ່ານ Marco Rubio ສະມາຊິກສະພາສູງ ຂຶ້ນກັບພັກສາທາລະນະ ຜູ້ຕາງໜ້າຂອງລັດ Florida ຮັບດຳລົງຕຳແໜ່ງລັດຖະມົນຕີກະຊວງການຕ່າງປະເທດຂອງລັດຖະບານຊຸດໃໝ່. ໃນຂະນະນັ້ນ, ທ່ານ Matt Gaetz ສະມາຊິກສະພາຕ່ຳ ຂຶ້ນກັບພັກສາທາລະນະໄດ້ຄັດເລືອກແມ່ນຜູ້ສະໝັກຮັບເລືອກຕັ້ງດຳລົງຕຳແໜ່ງລັດຖະມົນຕີກະຊວງຍຸຕິທຳ. ໃນວັນດຽວກັນ, ທ່ານ Trump ກໍ່ສະເໜີທ່ານນາງ Tulsi Gabbard ສະມາຊິກສະພາຕ່ຳຂອງພັກປະຊາທິປະໄຕ ດຳລົງຕຳແໜ່ງຜູ້ອຳນວຍການອົງການສືບຂ່າວແຫ່ງຊາດ (DNI), ພ້ອມທັງສະແດງຄວາມເຊື່ອໝັ້ນຕໍ່ຄວາມສາມາດ ແລະ ອິດທິພົນຊື່ສຽງຂອງທ່ານນາງ Tulsi Gabbard ຈະປະກອບສ່ວນປົກປ້ອງບັນດາສິດທີ່ໄດ້ກຳນົດໃນລັດຖະທຳມະນູນຂອງ ອາເມລິກາ ກໍ່ຄືຮັບປະກັນສັນຕິພາບ. ບັນດາຕຳແໜ່ງບຸກຄະລາກອນທີ່ໄດ້ສະເໜີໃນລັດຖະບານຊຸດໃໝ່ນີ້ ຕ້ອງມີການຢັ້ງຢືນຂອງສະພາສູງ ໂດຍພັກສາທາລະນະກວມເອົາສ່ວນຫຼາຍ.