ປະ​ທານ​ກຳ​ມາ​ທິ​ການ​ພົວ​ພັນ​ຕ່າງ​ປະ​ເທດ ສະ​ພາ​ສູງ ອາ​ເມ​ລິ​ກາ Bob Corker (ພາບ: AFP/TTXVN)

(vovworld) –  ​ວັນ​ທີ 28/11, ກຸ່ມມອບ​ໂອນ​ສິດ​ອຳ​ນາດ​ຂອງ​ທ່ານ​ປະ​ທາ​ນາ​ທິ​ບໍ​ດີ​ຜູ້​ຫາກໍ່​ໄດ້​ຮ​ັບ​ໄຊ​ຊະ​ນະ​ໃນ​ການ​ເລືອກ​ຕັ້ງ​ ຢູ່​ອາ​ເມ​ລິ​ກາ Donald Trump ໃຫ້​ຮູ້​ວ່າ: ໃນ​ອາ​ທິດນີ້, ທ່ານ Trump ຈະ​ພົບ​ປະ​ກັບ​ອະ​ດີດ​ຜູ້​ອຳ​ນວຍ​ການ​ອົງ​ການ​ສື​ບ​ລາ​ຊະ​ການ​ລັບ​ສູ​ນ​ກາງ ອາ​ເມ​ລິ​ກາ (CIA), ນາຍ​ພົນ​ຜູ້​ພັກ​ກິນ​ເບ​້ຍ​ບຳ​ນານ David Petraeus ແລະ ປະ​ທານ​ກຳ​ມາ​ທິ​ການ​ພົວ​ພັນ​ຕ່າງ​ປະ​ເທດ ສະ​ພາ​ສູງ ອາ​ເມ​ລິ​ກາ Bob Corker, ພ້ອມ​ທັງ​​ມີ​ກາ​ນ​ພົບ​ປະ​ຄັ້ງ​ທີ 2 ກັບ​ອະ​ດີດ​ຜູ້​ສະ​ໝັກ​ຮັບ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ Mitt Romney. ທັງ 3 ຄົນ​ເຫຼົ່າ​ນີ້​ລ້ວນ​ແຕ່​ແມ່ນ​ບັນ​ດາ​ຜ​ູ້​ສະ​ໝັກ​ຮັບ​ເລືອກ​ຕັ້ງ​ແຖວ​ໜ້າ​ໃຫ້​ຕຳ​ແໜ່ງ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ໃນ​ຄະ​ນະ​ລັດ​ຖະ​ບານ​ຂອງ​ທ່ານ Trump.

        ແລະ​ກໍ່​ໃນ​ວັນ​ດຽວ​ກັນ, ຜູ້​ສະ​ໝັກ​ຮັບ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ຂອງ​ພັກ​ຂຽວ ທ່ານ​ນາງ Jill Stein ໄດ​້​ສົ່ງ​ໃບ​​ສະ​ເໜີ​ນັບ​ບັດ​ຄືນ​ໃນ​ການ​ເລືອກ​ຕັ້ງ​ເມື່ອ​ວັນ​ທີ 8/11 ຜ່​ານ​ມາ​ຢູ່​ສະ​ຖານ​ທີ​ເລືອກ​ຕັ້ງກ່​ວາ 100 ​ແຫ່ງ​ຂອງ​ລັດ Pennsylvania. ແວບ​ໄຊ​ຂອງ​ທ່ານ​ນາງ Stein ໃຫ້​ຮູ້​ວ່າ: ຮອດ​ຕອ​ນ​ເຊົ້າ​ວັນ​ທີ 28/11, ທ່ານ​ນາງ Stein ໄດ້​ສ້າງກອງ​ທຶນ​ດ້ວ​ຍ​ຈຳ​ນວນ​ເງິນ 6,3 ລ້ານ USD ເມື່​ອ​ທຽບ​ໃສ່​ຄາດ​ໝາຍ 7 ລ້ານ USD ເພື່ອ​ໃຊ້​ຈ່າຍ​ໃນ​ການ​ນັບ​ບັດ​ຄືນ​ຢູ່ 3 ລັດ​ຈຸດ​ສຸ​ມ​ແມ່ນ: Wisconsin, Pennsylvania ແລະ Michigan, ບ່ອນ​ທີ່​ທ່ານ Donald Trump ຂອງ​ພັກ​ສາ​ທາ​ລະ​ນະອອກ​ສະ​ໝັກ​ເລືອກ​ຕັ້ງໄດ້​ລື່ນ​ກາຍ​ຄູ່​ແຂ່ງ Hillary Clinton ຂອງ​ພັກ​ປະ​ຊາ​ທິ​ປະ​ໄຕ.