(vovworld) - ຕາມ​ຜົນ​ແຫ່ງ​ການ​ຢັ່ງ​ຫາງ​ສຽງ​ຄັ້ງ​ລ້າ​ສຸດ, ຜູ້​ສະໝັກ​ຮັບ​ເລືອກ​ຕັ້ງ​ເປັນ​ປະທານາທິບໍດີ ອາ​ເມ​ລິ​ກາ ຂອງ​ພັກ ປະຊາທິປະ​ໄຕ ທ່ານ​ນາງ Hilary Clinton ສືບ​ຕໍ່​ນຳ​ໜ້າ​ຄູ່​ແຂ່ງ​ພັກ ສາທາລະນະ​ ​ທ່ານ Donald Trump​ໃນ​ການ​ຊ່ວງ​ເສັງ​ເຂົ້າ​ທຳນຽບຂາວ. ຜົນ​ແຫ່ງ​ການ​ຢັ່ງ​ຫາງ​ສຽງ​ດັ່ງກ່າວ ​ໄດ້​ຮັບ​ຖື​ວ່າ​ແມ່ນ​ສັນຍານ​ທີ່​ສະດວກ​ໃຫ້​ແກ່ ທ່ານ​ນາງ Hilary Clinton.  ການ​ຢັ່ງ​ຫາງ​ສຽງ​ໂດຍ​ສຳນັກ​ຂ່າວສານ Fox News ປະຕິບັດ ​ແລະ ປະກາດ​ໃນ​ວັນ​ທີ 30/9, ​ໃຫ້​ເຫັນ​ວ່າ, ທ່ານ​ນາງ​ໄດ້​ນຳ​ໜ້າ​ຕໍ່​ເສດຖີ​ເງິນ​ຕື້ Donald Trump 3% ດ້ວຍ​ອັດຕາ 43%-40%. ນັບ​ແຕ່​ນີ້​ເຖິງ​ວັນ​ທີ 8/11, ຜູ້​ສະໝັກ​ຮັບ​ເລືອກ​ຕັ້ງ ເປັນ​ປະທານາທິບໍດີ ອາ​ເມ​ລິ​ກາ ທ່ານ​ນາງ Hilary Clinton ​ແລະ​ ​ທ່ານ Donald Trump ຈະ​ສືບ​ຕໍ່​ເຂົ້າ​ຮ່ວມ​ການ​ໂຕ້​ວາທີ​ສອງ​ຄັ້ງ​ທີ່​ຈະ​ຖ່າຍ​ທອດ​ສົດ​ທາງ​ໂທລະພາບ​ໃນ​ວັນ​ທີ 9/10 ​ແລະ ວັນ​ທີ 19/10 ອີກ.