ທ່ານນາງນາຍົກລັດຖະມົນຕີເຢຍລະມັນ Angela Merkel (ພາບ:TTXVN)

ວັນທີ 30 ຕຸລາ, ທ່ານນາງນາຍົກລັດຖະມົນຕີເຢຍລະມັນ Angela Merkel ໄດ້ ປະກາດດ້ວຍຄວາມໝັ້ນໃຈກ່ຽວກັບເລື່ອງ ທ່ານຈະຖອນຕົວອອກຈາກການແຂ່ງຂັນເຂົ້າຕໍາແໜ່ງນາຍົກລັດຖະມົນຕີ ພາຍຫຼັງສິ້ນສຸດອາຍຸການໃນປີ 2021 ຈະບໍ່ສົ່ງຜົນສະທ້ອນເຖິງຖານະບົດບາດສາກົນຂອງທ່ານເອງ. ທ່ານ Angela Merkel ຖືວ່າ ທ່ານຈະມີເວລາຫຼາຍກວ່າເພື່ອສຸມໃສ່ບັນດາໜ້າທີ່ໃນຖານະເປັນຜູ້ນໍາລັດຖະບານ.

        ເຖິງຢ່າງໃດກໍຕາມ, ວົງການນັກສັງເກດການບໍ່ເຊື່ອຕໍ່ຄໍາຖະແຫຼງດັ່ງກ່າວພໍປານໃດ. ບັນດານັກຊ່ຽວຊານຖືວ່າ ນາຍົກລັດຖະມົນຕີ ເຢຍລະມັນ ຈະປະສົບກັບຄວາມຫຍຸ້ງຍາກຫຼາຍກວ່າໃນການເກັບກ່ອນໂລກ ກ່ຽວກັບບັນດາຄວາມມານະພະຍາຍາມ ເພື່ອແນໃສ່ຮັບປະກັນສະຖຽນລະພາບຢູ່ສະຫະພາບເອີຣົບ (ອີຢູ). ບາງຄົນຍັງໃຫ້ຄໍາເຫັນຊັ່ງຊາຕໍ່ເລື່ອງ ທ່ານ Angela Merkel ອາດຈະບໍ່ສາມາດດໍາລົງຕໍາແໜ່ງຂອງຕົນຈົນໝົດອາຍຸການ ປີ 2021 ໄດ້ ແລະບັນດາການຜັນແປໃນສະພາບການເມືອງຂອງ ເຢຍລະມັນ ໃນໄລຍະຈະມາເຖິງ ຈະບໍ່ນອນໃນລະດັບການຄວບຄຸມຂອງທ່ານນາງ Merkel.