ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ  ເຮັດວຽກຢູ່ ກຸ່ມອາຍແກັດ - ໄຟຟ້າ - ປຸ໋ຍ ອາຊົດກ່າເມົາ

ເມື່ອສຳຫຼວດສະພາບຕາຝັ່ງທະເລເຈື່ອນຢູ່ເຂດຖົມດິນກັນເຈື່ອນ ຢູ່ຕາແສງເດິດມຸຍ, ເມືອງ ງັອກຫ໋ຽນ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນຢັ້ງຢືນວ່າ: ພ້ອມກັບການເພີ່ມທະວີການຍົກສູງຄວາມຮັບຮູ້ກ່ຽວກັບການປ້ອງກັນ, ຕ້ານຕາຝັ່ງແມ່ນ້ຳ, ຕາຝັ່ງທະເລກັນເຈື່ອນ, ທາງແຂວງຕ້ອງສົມທົບກັບກະຊວງ, ຂະແໜງການກໍ່ສ້າງຖານຂໍ້ມູນ ທີ່ກ່ຽວຂ້ອງເຖິງການເຊາະເຈື່ອນຂອງຕາຝັ່ງແມ່ນ້ຳ, ຕາຝັ່ງທະເລຂອງແຂວງ, ເພີ່ມທະວີການຄຸ້ມຄອງບັນດາການເຄື່ອນໄຫວຢູ່ແຄມແມ່ນ້ຳ, ແຄມທະເລທີ່ມີຄວາມສ່ຽງເຮັດໃຫ້ຕາຝັ່ງເກີດການເຊາະເຈື່ອນ.

ແລະກໍ່ໃນຕອນເຊົ້າວັນ ດຽວກັນ, ເມື່ອລົງຢ້ຽມຢາມ ແລະ ເຮັດວຽກກັບການນຳກຸ່ມ ອາຍແກັດ - ໄຟຟ້າ - ປຸ໋ຍອາຊົດ ກ່າເມົາ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຕີລາຄາສູງຕໍ່ກຸ່ມບໍລິສັດນ້ຳມັນອາຍແກັດໄດ້ຜ່ານຜ່າສິ່ງທ້າທາຍ, ເພື່ອຮັກສາການຜະລິດ ແລະ ດຳເນີນທຸລະກິດ.

ເນື່ອງໃນໂອກາດນິ້ີ້, ທ່ານນາງປະທານສະພາແຫ່ງຊາດໄດ້ລົງຢ້ຽມຢາມໂຮງຮຽນອະນຸບານ ເຊີນກາ ແລະ ໂຮງຮຽນປະຖົມ - ມັດທະຍົມຕອນຕົ້ນ ແທັ້ງຮືງ, ເມືອງ ກ໊າຍເນືອກ, ກ່າເມົາ, ລົງຢ້ຽມຢາມ ແລະ ເຮັດວຽກຢູ່ບໍລິສັດຫຸ້ນສ່ວນປຸງແຕ່ງ ແລະ ການບໍລິການສິນໃນນ້ຳກ່າເມົາ.

ແລະກໍ່ໃນວັນທີ 26 ພະຈິກ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ພ້ອມກັບຄະນະປະຕິບັດງານຂອງສະພາແຫ່ງຊາດໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ຊອັກຈັງ.

        ຄະນະປະຕິບັດງານໄດ້ລົງຢ້ຽມຢາມບໍລິສັດປຸງແຕ່ງສິນໃນນ້ຳ ຕ່າຍກິມແອັງ ຢູ່ເຂດອຸດສາຫະກຳ ອານງຽບ, ແຂວງຊອັກຈັງ. ນະທີ່ນີ້, ທ່ານນາງຫງວຽນທິກິມເງິນຢາກໃຫ້ບໍລິສັດສືບຕໍ່ພັດທະນາ, ເປີດກວ້າງການຜະລິດ, ຫັນຜະລິດຕະພັນເປັນຫຼາຍຮູບແບບ, ເປີດກ້ວາງຕະຫຼາດສົ່ງອອກ, ສ້າງວຽກເຮັດງານທຳໃຫ້ຊາວທ້ອງຖິ່ນຕື່ມອີກ.