ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ  ກ່າວຄໍາເຫັນທີ່ການພົບປະກັບຜູ້ມີສິດເລືອກຕັ້ງ ນະຄອນເກີນເທີ (ພາບ:thanhnien.vn)

ກ່າວຄໍາເຫັນທີ່ການພົບປະກັບຜູ້ມີສິດເລືອກຕັ້ງຢູ່ຕາແສງ ເລບິນ, ເມືອງກ໊າຍຣັງ, ນະຄອນ ເກີນເທີ ຂອງຫວຽດນາມ, ໃນຕອນເຊົ້າວັນທີ 27 ພະຈິກ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນ້ັນໜັກວ່າ: ຄໍາເຫັນຕ່າງໆຂອງຜູ້ມີສິດເລືອກຕັ້ງ ຈະກາຍເປັນຄໍາເຫັນຂອງສະມາຊິກສະພາແຫ່ງຊາດ ເພື່ອແລກປ່ຽນ, ປຶກສາຫາລືນໍາກັນ ແລະ ໄປເຖິງການຕັດສິນບັນດາບັນຫາສໍາຄັນ ຊຶ່ງສົ່ງຜົນສະທ້ອນໂດຍກົງເຖິງຊີວິດການເປັນຢູ່, ຈິດໃຈ ແລະ ຄວາມມຸ່ງມາດປາດຖະໜາຂອງປະຊາຊົນ. ກ່ຽວຂ້ອງເຖິງກົດໝາຍປ້ອງກັນ, ຕ້ານການສໍ້ລາດບັງຫຼວງ ສະບັບປັບປຸງ ທີ່ຫາກໍໄດ້ຮັບການຮັບຮອງເອົາຈາກສະພາແຫ່ງຊາດຫວຽດນາມນັ້ນ, ທ່ານນາງປະທານສະພາແຫ່ງຊາດຫວຽດນາມ ຢັ້ງຢືນວ່າ:

        “ກົດໝາຍແມ່ນມີຄວາມເຄັ່ງຄັດຫຼາຍ, ນອກຈາກປະມວນກົດໝາຍອາຍາ ແລະ ລະບົບກົດໝາຍຂອງ ຫວຽດນາມ ລ້ວນແຕ່ມີຂໍ້ກໍານົດກ່ຽວກັບບັນດາການກະທໍາທີ່ບໍ່ໄດ້ເຮັດ ແລະ ມີບັນດາລະບຽບການແກ້ໄຂຢ່າງເຂັ້ມງວດ. ດ້ວຍຄວາມຕັດສິນໃຈດ້ານການເມືອງຢ່າງສູງ ແລະ ຄວາມເປັນຈິດໜຶ່ງໃຈດຽວ ຂອງພັກ, ລັດ ແລະຂອງປະຊາຊົນທຸກຊັ້ນວັນນະ ເພື່ອຕິດຕາມການປ້ອງກັນ, ຕ້ານການສໍ້ລາດບັງຫຼວງ. ບັນຫາຢຶດຊັບສິນ, ເງິນຄໍາ ຈາກການສໍ້ລາດບັງຫຼວງ ໄດ້ຮັບການແກ້ໄຂຢ່າງເຂັ້ມງວດ. ສະພາແຫ່ງຊາດສືບຕໍ່ຮຽກຮ້ອງ ໃຫ້ບັນດາອົງການ ຈົ່ງລາຍງານກ່ຽວກັບອັດຕາຢຶດຊັບສິນຂອງແຕ່ລະຄະດີສໍ້ລາດບັງຫຼວງ.

        ແລະກໍໃນວັນດຽວກັນ, ທ່ານ ຫວໍວັນເຖືອງ, ຫົວໜ້າຄະນະໂຄສະນາສຶກສາສູນກາງ ກໍໄດ້ມີການພົບປະກັບຜູ້ມີສິດເລືອກຕັ້ງແຂວງດົງນາຍ.