ທ່ານນາງຮອງປະທານປະເທດ ຕ້ອນຮັບນັກສຶກສາທີ່ເສັງໄດ້ຄະແນນສູງກວ່າໝູ່
(ພາບ:tinmoi.vn)
(vovworld) - ຕອນເຊົ້າວັນທີ 27/8, ຢູ່ຮ່າໂນ້ຍ, ທ່ານນາງຮອງປະທານປະເທດ Nguyen Thi Doan ໄດ້ໃຫ້ການຕ້ອນຮັບຄະນະນັກສຶກສາດີເດັ່ນຮຽນຈົດຂອງບັນດາມະຫາວິທະຍາໂລ, ວິທະຍາໄລ, ສະຖາບັນໃນບໍລິເວັນນະຄອນຮ່າໂນ້ຍ ແລະ ນັກສຶກສາທີ່ເສັງເຂົ້າມະຫາວິທະຍາໄລດ້ວຍຄະແນນສູງກວ່າໝູ່ຂອງນະຄອນດານັ້ງປີ 2012 ເນື່ອງໃນໂອກາດທີ່ຄະນະມາຢ້ຽມຢາມນະຄອນຫຼວງ. ທ່ານນາງຮອງປະທານປະເທດ Nguyen Thi Doan ໄດ້ສະແດງຄວາມເຊື້ອໝັ້ນວ່າ ບັນດານັກສຶກສາເສັງໄດ້ຄະແນນສູງກວ່າໝູ່ ຈະບັນລຸໄດ້ຄວາມໄຝ່ຝັນບົນເສັ້ນທາງໂດຍຕົນເລືອກເຟັ້ນ, ກາຍເປັນປັດໃຈທີ່ຕັ້ງໜ້າ ເພື່ອສ້າງສັງຄົມແຫ່ງຮໍ່າຮຽນ, ພື້ນຖານເສດຖະກິດພູມປັນຍາທີ່ກ້າວໜ້າ, ປະກອບສ່ວນໃຫ້ແກ່ການພັດທະນາຂອງປະເທດຊາດ.
“ຕ້ອງຢືນຢັນວ່າ ຍາມໃດພັກ, ລັດ ກໍຖືການສຶກສາບຳລຸງສ້າງ ແລະ ວິທະຍາສາດເຕັກໂນໂລຊີແມ່ນປາຍແຫຼມ, ແມ່ນລັດຖະນະໂຍບາຍອັນດັບໜຶ່ງ ແລະ ຍາມໃດກໍມີນະໂຍບາຍຕ່າງໆຕໍ່ຜູ້ເກັ່ງກ້າສະມາດ. ຂ້າພະເຈົ້າຖືວ່າ ບັນດານັກສຶກສາໄກ້ຈະເສັງຈົບ ຈະນຳໃຊ້ຄວາມຮູ້, ສືບຕໍ່ມີຫົວຄິດປະດິດສ້າງ ແລະ ກຳແໜ້ນສະພາບຕົວຈິງຢ່າງວ່ອງໄວ. ຍາມໃດພັກ, ລັດ ກໍມີຄວາມໄວ້ເນື້ອເຊື່ອໃຈ ແລະ ອີ່ງໃສ່ແຫຼ່ງຊັບພະຍາກອນມະນຸດທີ່ມີຄຸນນະພາບສູງ ເພື່ອສ້າງສາ ແລະ ພັດທະນາປະເທດຊາດ”.
ກ່ອນໜ້ານັ້ນ, ຕອນຄ່ຳວັນທີ 26/8, ນະຄອນຮ່າໂນ້ຍ ໄດ້ຈັດພິທີຍ້ອງຍໍນັກສຶກສາດີເດັ່ນເສັງຈົບມະຫາວິທະຍາໄລ, ສະຖາບັນແຫ່ງຕ່າງໆໃນບໍລິເວນນະຄອນຮ່າໂນ້ຍ ລວມ 382 ຄົນ ແລະ ນັກຮຽນ 24 ຄົນທີ່ເສັງເຂົ້າມະຫາວິທະຍາໄລປີ 2012 ຄະແນນສູງກ່ວາໝູ່. ກ່າວຄຳເຫັນທີ່ພິທີ, ທ່ານ Pham Quang Nghi ເລຂາຄະນະພັກນະຄອນຮ່າໂນ້ຍ ເນັ້ນໜັກວ່າ: ຍາມໃດ, ພັກ, ລັດຫວຽດນາມ ກໍ່ຖືຖັນແຖວປັນຍາຊົນເປັນສຳຄັນ ແລະ ກຳນົດວ່ານີ້ແມ່ນແຫຼ່ງກຳລັງສຳຄັນໃນຍຸດທະສາດແຫ່ງການພັດທະນາປະເທດຊາດ:
“ພວກນ້ອງໄດ້ຮັບການເຊີດຊູແມ່ນຄວາມເອກອ້າງທະນົງໃຈ ຄວາມເປັນກຽດອັນໃຫ່ຍຫຼວງທີ່ສຸດ ແຕ່ນີ້ພຽງແຕ່ແມ່ນການເລີ່ມຕົ້ນໃຫ້ວິວັດການສູ້ຊົນໃໝ່ເທົ່ານັ້ນ. ອະນາຄົດຂອງພວກນ້ອງໄດ້ຮັບການເປີດກ້ວາງດ້ວຍບັນດາກາລະໂອກາດທີ່ສະດວກສະບາຍ ແຕ່ກໍ່ຈະຕ້ອງປະສົບກັບຄວາມຫຍູ້ງຍາກ, ການທ້າຍທາຍບໍ່ແມ່ນໜ້ອຍ, ມັນຮຽກຮ້ອງໃຫ້ພວກນ້ອງຕ້ອງສືບຕໍ່ຝຶກຝົນຫຼໍ່ຫຼອມ, ສູ້ຊົນຢ່າງບໍ່ຢຸດຢັ້ງ. ອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນມີຄວາມເຊື່ອໝັ້ນຕໍ່ພວກນ້ອງ, ຕໍ່ຄວາມກ້າວໜ້າ ແລະ ຫວັງວ່າ ພວກນ້ອງຈະສືບຕໍ່ບັນລຸໄດ້ຜົນງານສູງກ່ວາອີກ, ປະກອບສ່ວນສ້າງນະຄອນຫຼວງແຫ່ງອະລີຍະທຳວິລະຊົນ, ສ້າງສາປະເທດຊາດໃຫ້ນັບມື້ນັບຮັ່ງມີສວຍງາມ, ສີວິໄລ“