ທ່ານນາງຮອງປະທານປະເທດ ຫວໍທິແອັງຊວັນ ຕ້ອນຮັບທ່ານນາງ Slivia Danailov (ພາບ: VOV)

ກ່າວຄຳເຫັນນະທີ່ນີ້, ທ່ານນາງຮອງປະທານປະເທດ ຫວໍທິແອັງຊວັນ ປາດຖະໜາວ່າ ໃນໄລຍະຈະມາເຖິງ UNICEF ເພີ່ມທະວີການລະດົມແຫຼ່ງກຳລັງໜູນຊ່ວຍວຽກງານປົກປ້ອງ ແລະ ດູແລເດັກ ຫວຽດນາມ, ປະຕິບັດບັນດາເປົ້າໝາຍພັດທະນາແບບຍືນຍົງ ກ່ຽວຂ້ອງເຖິງເດັກ, ໂດຍສະເພາະແມ່ນຂົງເຂດການສຶກສາ, ດູແລສຸຂະພາບໃຫ້ແກ່ເດັກ, ໂພສະນາການຂອງເດັກ, ໜູນຊ່ວຍວັກຊິນໃຫ້ແກ່ໂຄງການສັກວັກຊິນເປີດກວ້າງ, ຮັບປະກັນຄວາມສະເໝີພາບລະຫວ່າງຍິງ - ຊາຍ… ພ້ອມດຽວກັນນັ້ນ ສະເໜີ UNICEF ໃຫ້ການຊ່ວຍເຫຼືອບັນດາທ້ອງຖິ່ນທີ່ປະສົບກັບຄວາມຫຍຸ້ງຍາກ, ເຂດຫ່າງໄກສອກຫຼີກ, ເຂດພູສູງ, ເຂດຖືກຜົນເສຍຫາຍຢ່າງໜັກໜ່ວງຈາກໄພທຳມະຊາດ, ການປ່ຽນແປງຂອງດິນຟ້າອາກາດຫຼາຍກວ່າອີກ. ທ່ານນາງຮອງປະທານປະເທດ ເນັ້ນໜັກວ່າ ຫວຽດນາມ ມີຄວາມປາດຖະໜາຢາກໃຫ້ UNICEF ຮ່ວມມື ແລະ ແບ່ງປັນບົດຮຽນປະສົບການກ່ຽວກັບການໜູນຊ່ວຍ, ເບິ່ງແຍິງດູແລເດັກ, ຍົກສູງສະຕິຄວາມຮັບຮູ້ຂອງເດັກໃນການຮັບມື, ປ້ອງກັນ, ສະກັດກັ້ນໄພທຳມະຊາດ.

        ສ່ວນທ່ານນາງ Slivia Danailov ຕີລາຄາສູງເລື່ອງ ຫວຽດນາມ ແມ່ນໜຶ່ງໃນບັນດາປະເທດທຳອິດທີ່ໃຫ້ສັດຕະຍາບັນສົນທິສັນຍາຂອງ ສປຊ ກ່ຽວກັບສິດທິເດັກ, ສະແດງໃຫ້ເຫັນຄວາມເອົາໃຈໃສ່ຂອງລັດຖະບານ ຫວຽດນາມ ໃນການຊຸກຍູ້ສິດທິເດັກ; ພ້ອມທັງຢາກສົມທົບກັບ ຫວຽດນາມ ເພື່ອໃຫ້ວຽກງານຊ່ວຍເຫຼືອເດັກໄດ້ປະຕິບັດເປັນຢ່າງດີກວ່າ.