(vovworld) - ໂດຍສືບຕໍ່ການຢ້ຽມຢາມ ແລະ ເຮັດວຽກຢູ່ສາທາລະນະລັດຝຣັ່ງ, ວັນທີ 9/10, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ນຳໜ້າໄດ້ມີການເຮັດວຽກກັບການນຳສະພາສູງຝຣັ່ງ.
ກ່າວຄຳເຫັນທີ່ການພົບປະ, ທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ສະແດງຄວາມພາກພູມໃຈເມື່ອຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ແມ່ນໜຶ່ງໃນບັນດາຄະນະຮ່ວມມືທຳອິດໄດ້ພົບປະ ແລະ ອວຍພອນທ່ານນາງ Jacqueline Gourault ພາຍຫຼັງທີ່ທ່ານນາງໄດ້ຮັບການເລືອກຕັ້ງເປັນຮອງປະທານສະພາສູງຝຣັ່ງກ່ອນໜ້ານັ້ນໜຶ່ງວັນ, ວັນທີ 8/10. ທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ຕີລາຄາສູງບັນດາການເຄື່ອນໄຫວຢ່າງມີປະສິດທິຜົນ ແລະ ແທດຈິງ ຊຶ່ງກຸ່ມສະມາຊິກສະພາແຫ່ງຊາດມິດຕະພາບຝຣັ່ງ-ຫວຽດນາມ ຢູ່ສະພາສູງຝຣັ່ງໄດ້ປະຕິບັດ ເພື່ອ ຊ່ວຍເຫຼືອຫວຽດນາມ. ຕາມທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ, ເລື່ອງຊຸກຍູ້ການຮ່ວມມື, ປະກອບສ່ວນຊຶ່ງກັນ ແລະ ກັນ ເພື່ອນຳມາ ເຊຶ່ງຜົນປະໂຫຍດໃຫ້ແກ່ 2 ປະເທດ ຫວຽດນາມ-ຝຣັ່ງ.
ຫວຽດນາມຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນ ກັບປະເທດເພື່ອນມິດທີ່ເປັນມູນເຊື້ອ, ພິເສດໃນພາລະກິດປ່ຽນໃໝ່, ຫັນການພົວພັນເປັນຫຼາຍຮູບຫຼາຍແບບ ແລະ ຫຼາຍຝ່າຍ. ແລະພວກຂ້າພະເຈົ້າຖືວ່າ: ການສະໜັບສະໜູນຂອງຝຣັ່ງຈາກຂອບເຂດຄູ່ຮ່ວມມືຍຸດທະສາດ, ມີຄວາມໄວ້ເນື້ອເຊື່ອໃຈຊຶ່ງກັນ ແລະ ກັນທີ່ມີຕໍ່ຫວຽດນາມ ໃຫ້ຄຳໝັ້ນສັນຍາ ກັບບັນດາປະເທດເອີຣົບຕາເວັນຕົກຈະມີຄວາມສະດວກຫຼາຍຢ່າງ. ແລະເມື່ອ ບັນດາເພື່ອນລົງທຶນ ແລະ ເຂົ້າເຄື່ອນໄຫວຢູ່ຫວຽດນາມນັ້ນ, ຫວຽດນາມຈະເປັນປະຕູເພື່ອໃຫ້ບັນດາປະເທດເພື່ອນມິດເຊື່ອມຕໍ່ກັບອາຊຽນ.