(ພາບ: http://nguyentandung.org)

(vovworld)- ​ໂດຍ​ໄດ້​ຮັບ​ຄຳ​ເຊີນ​ຂອງ​ທ່ານ​ນາຍົກລັດຖະມົນຕີມຽນມາ Thein Sein,  ວັນ​ທີ 10/5, ທ່າ​ນນາຍົກລັດຖະມົນຕີຫງວຽນ​ເຕິ​ນຢຸງ​ ​ໄດ້​ນຳ​ໜ້າ​ຄະນະ​ຜູ້​ແທນ​ຫວຽດນາມ ​ ອອກ​ຈາກ​ຮ່າ​ໂນ້ຍ ເດີນທາງ​​ໄປ​ເຂົ້າຮ່ວມກອງ​ປະຊຸມສຸດຍອດ​ອາ​ຊຽນ ຄັ້ງທີ 24 ຊື່​ງຖືກ​ຈັດ​ຂຶ້ນ​ຢູ່​ນະຄອນ Nay Pyi Taw ປະ​ເທດ​ມຽນມາ ​ແຕ່​ວັນ​ທີ 10-11/5. ທ່າ​ນນາຍົກລັດຖະມົນຕີຫງວຽນ​ເຕິ​ນຢຸງ​ ​ໄດ້​ນຳ​ໜ້າ​ຄະນະ​ຜູ້​ແທນ​ຫວຽດນາມ ເຂົ້າຮ່ວມກອງ​ປະຊຸມ​
ສຸດຍອດ​ອາ​ຊຽນຄັ້ງທີ 24​ ​ແລະ ບັນດາ​ກອງປະຊຸມ​ທີ່​ກ່ຽວຂ້ອງ​ດ້ວຍ​ຈິດ​ໃຈ​ເປັນ​ເຈົ້າການ, ຕັ້ງໜ້າ ​ແລະ ມີ​ຄວາມ​ຮັບຜິດຊອບ ດ້ວຍ​ຈຸດໝາຍ​ພ້ອມ​ກັບ​ບັນດາ​ປະ​ເທດ​ສະມາຊິກ​ປັບປຸງ​ນ້ຳ​ໃຈ​ສາມັກຄີ ​ແລະ ບົດບາດ​ຕົ້ນຕໍ່​ຂອງ​ອາ​ຊຽນ ທີ່​ມີ​ຕໍ່​ບັນດາ​ບັນຫາ​ກ່ຽວຂ້ອງ​ເຖິງ​ສັນຕິພາບ, ຄວາມ​ສະຫງົບ​ປອດ​ໄພ, ສະຖຽນ​ລະ​ພາບ ​ແລະ ການ​ຮ່ວມ​ມື​ໃນ​ພາກ​ພື້ນ. ການ​ເຂົ້າຮ່ວມ​ຂອງ​ຄະນະ​ຜູ້​ແທນ​ຫວຽດນາມ ກໍ່​ເພື່ອ​ແນ​ໃສ່​ຊຸກຍູ້​ບັນດາ​ບັນຫາ​ທີ່​ຂຶ້ນ​ກັບ​ຄວາມ​ສົນ​ໃຈ​ລວມຂອງ​ອາ​ຊຽນ, ປະກອບ ສ່ວນ​ຍົກ​ສູງ​ບົດບາດ, ອິດ​ທິພົນ​ຊື່​ງສຽງ​ສາກົນ​ຂອງ​ຫວຽດນາມ ຮັບ​ໃຊ້​ຈຸດໝາຍ​ສ້າງສາ ​ແລະ ພັດທະນາ​ປະ​ເທດ​ຊາດ.

  ກ່ອນ​ໜ້ານັ້ນ, ວັນ​ທີ​ 9/5, ຢູ່​ນະຄອນ Nay Pyi Taw ປະ​ເທດ​ມຽນມາ, ​ໄດ້​ຈັດ​ກອງ​ປະຊຸມ​ເຈົ້າໜ້າ​ທີ່​ຂັ້ນສູງ​ອາ​ຊຽນ ກະກຽ​ມ​ໃຫ້​ແກ່ກອງ​ປະຊຸມສຸດຍອດ​ອາ​ຊຽນຄັ້ງທີ 24 ​ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ ຊື່​ງລວມມີ​ກອງ​ປະຊຸມ​ລັດຖະມົນຕີ​ການ​ຕ່າງປະ​ເທດ​ອາ​ຊຽນ, ກອງ​ປະຊຸມ​ສະພາ​ປະຊາ​ຄົມ​ການ​ເມືອງ-​ຄວາມ​ສະຫງົບ​ປອດ​ໄພ​ອາ​ຊຽນຄັ້ງທີ 11 ​ແລະ ກອງ​ປະຊຸມ​ສະພາ​ປະສານ​ງານ​ອາ​ຊຽນຄັ້ງທີ 14. ກອງ​ປະຊຸມ​ໄດ້​ກວດກາ​ຄືນ​ວຽກ​ງານ​ກະກຽມ​ທັງ​ດ້ານ​ເນື້ອ​ໃນ ​ແລະ ການຈັດຕັ້ງ, ​ໃນ​ນັ້ນ, ​ເຫັນ​ດີ​ເປັນ​ເອກະສັນ​ແຜນການ​ເຄື່ອນ​ໄຫວ, ​ໂຄງການ​ດຳ​ນີນງານ ​ແລະ ຫົວ​ເລື່ອງ​ຂອງ​ບັນດາ​ກອງ​ປະຊຸມ​ດັ່ງກ່າວ.

   ກະກຽມ​ໃຫ້​ແກ່ກອງ​ປະຊຸມ​ສຸດຍອດ​ອາ​ຊຽນຄັ້ງທີ 24, ບັນດາ​ເຈົ້າໜ້າ​ທີ່​ຂັ້ນສູງ​ອາ​ຊຽນ ​ໄດ້​ເຫັນ​ດີ​ສະ​ເໜີ​ບັນຊີ​ລາຍ​ຊື່​ຈະ​ຍື່ນ​ສະ​ເໜີ​ການ​ນຳ​ຂັ້ນສູງອາ​ຊຽນຄັ້ງນີ້, ​ໃນ​ນັ້ນມີ​ຖະ​ແຫຼ​ງການ Nay Pyi Taw ກ່ຽວ​ກັບ​ການ​ສ້າງ​ປະຊາ​ຄົມ​ອາ​ຊຽນ​ໃນ​ປີ 2015 ​ແລະ ຖະ​ແຫຼ​ງການ​ປະທານ​ກ່ຽວ​ກັບ​ໝາກຜົນ​ຂອງ​ກອງ​ປະຊຸມ​ຂັ້ນສູງ.

  ຄຳ​ປະກາດ​ຂອງບັນດາ​ທ່ານລັດຖະມົນຕີ​ການ​ຕ່າງປະ​ເທດ​ອາ​ຊຽນກ່ຽວ​ກັບ​ສະພາ​ບການ​ຢູ່​ທະ​ເລ​ຕາ​ເວັນ​ອອກ​ໃນ​ປະຈຸ​ບັນ

  ບັນດາ​ທ່ານລັດຖະມົນຕີ​ການ​ຕ່າງປະ​ເທດ​ອາ​ຊຽນພວມ​ປະຊຸມ​ຢູ່ກອງ​ປະຊຸມ​ສຸດຍອດ​ອາ​ຊຽນຄັ້ງທີ 24 ​ ​ໄດ້​ສະ​ແດງ​ຄວາມ​ວິຕົກ​ກັງວົນ​ກ່ຽວ​ກັບ​ເຫດການ​ຕ່າງໆ​ພວ​ມ​ເກີດ​ຂຶ້ນ​ຢູ່ທະ​ເລ​ຕາ​ເວັນ​ອອກ​ ​ທີ່ເຮັດ​ໃຫ້​ຄວາມ​ເຄັ່ງ​ຕຶງ​ຢູ່​ພາກ​ພື້ນ​ເພີ່ມ​ຂຶ້ນ.  ບັນດາ​ທ່ານລັດຖະມົນຕີຮຽກຮ້ອ​ງ​ໃຫ້​ຝ່າຍ​ຕ່າງໆ​ທີ່​ກ່ຽວຂ້ອງ​ຈົ່ງ​ລະງັບ​ໃຈ ​ແລະ ຫລີກ​ລ້ຽງ​ບັນດາ​ການ​ກະທຳ​ກໍ່​ຜົນ​ຮ້າຍ​ເຖິງ​ສັນຕິພາບ, ສະຖຽນ​ລະ​ພາບ​ຢູ່​ພາກ​ພື້ນ ​ແລະ ​ແກ້​ໄຂ​ການ​ພິພາດ​ໂດຍ​ສັນຕິ​ວິທີ, ບໍ່​ນຳ​ໃຊ້ ​ຫຼື​ນາບ​ຂູ່​ນຳ​ໃຊ້​ກຳລັງ​ອາວຸດ. ບັນດາ​ທ່ານ  ລັດຖະມົນຕີ​ຮຽກຮ້ອງ​ທຸກໆ​ຝ່າຍ​ເຂົ້າຮ່ວມ​ຖະ​ແຫຼ​ງການ​ກ່ຽວ​ກັບ​ການ​ປະ​ພຶດຂອງ​ຝ່າຍ​ຕ່າງໆ​ຢູ່​ທະ​ເລ​ຕາ​ເວັນ​ອອກ (DOC) ຈົ່ງ​ປະຕິບັດ DOC ​ຢ່າງ​ຄົບ​ຖ້ວນ ​ແລະ ມີ​ປະ​ສິດ​ທິຜົນ ​ເພື່ອ​ແນ​ໃສ່​ສ້າງ​ສະພາ​ບແວດ​ລ້ອມ​ທີ່​ໄວ້​ເນື້ອ​ເຊື່ອ​ໃຈ ​ແລະ ສ້າງ​ຄວາມ​ໄວ້​ເນື້ອ​ເຊື່ອ​ໃຈ ​ແລະ ​ເນັ້ນ​ໜັກ​ເຖິງ​ຄວາມ​ຈຳ​ເປັນ​ຂອງ​ເລື່ອງ​ບັນລຸ​ຫຼັກການ​ປະພຶດ​ຢູ່​ທະ​ເລ​ຕາ​ເວັນ​ອອກ (COC)./.