ທ່ານນາຍົກລັດຖະມົນຕີອັງກິດ Boris Johnson  (ພາບປະກອບ: TTXVN)

ວັນທີ 29 ພະຈິກ,  ເມື່ອຕອບສໍາພາດຕໍ່ນັກຂ່າວສະຖານີໂທລະພາບ ແລະ ວິທະຍຸ LBC, ທ່ານນາຍົກລັດຖະມົນຕີອັງກິດ Boris Johnson ເນັ້ນໜັກວ່າ ໃນກໍລະນີພັກນິຍົມຮັກສາເດີມຍາດໄດ້ຈໍານວນບັດສະໜັບສະໜູນສ່ວນຫຼາຍໃນການເລືອກຕັ້ງທົ່ວປະເທດທີ່ຈະດໍາເນີນໃນໄລຍະຈະມາເຖິງນັ້ນ, ແນ່ນອນວ່າ ອັງກິດ ຈະຖອນຕົວອອກຈາກ ສະຫະພາບເອີຣົບ (ອີຢູ) ຫຼື ຍັງເອີ້ນວ່າ Brexit  ຊ້າສຸດແມ່ນວັນທີ 31 ມັງກອນ 2020. ທ່ານກໍຢັ້ງຢືນຄືນໃໝ່ວ່າ ບໍ່ມີສາຍເຫດໃດ ເພື່ອໃຫ້ ລອນດອນ ຕ້ອງຕໍ່ກໍານົດເວລາໃນໄລຍະການສົ່ງຕໍ່ພາຍຫຼັງ Brexit ໄປຮອດທ້າຍປີ 2020 ເຖິງວ່າ ການຕໍ່ກໍານົດເວລາຄັ້ງນີ້ມີໄລຍະສັ້ນກວ່າສອງຄັ້ງກ່ອນກໍຕາມ. ເມື່ອຖາມກ່ຽວກັບການເລືອກຕໍາແໜ່ງນາຍົກລັດຖະມົນຕີ ຫຼື Brexit ນັ້ນ, ທ່ານ Boris Johnson ຢັ້ງຢືນວ່າ ຈະເລືອກເອົາ Brexit ນໍາປະເທດອັງກິດຖອນຕົວອອກຈາກ ອີຢູ.