ທ່ານນາຍົກລັດຖະມົນຕີຍີປຸ່ນ Shinzo Abe (ພາບ: internet)

Vovworld- ຕອນ​ຄ່ຳວັນ​ທີ 21/2, ທ່ານນາຍົກລັດຖະມົນຕີຍີປຸ່ນ Shinzo Abe ​ໄດ້​ທຳ​ການ​ຢ້ຽມຢາມ​ອາ​ເມ​ລິ​ກາ​ຢ່າງ​ເປັນ​ທາງ​ການ​ໃນ​ເວລາ 4 ວັນ. ວັນ​ທີ 22/2, ຢູ່​ທຳນຽບຂາວ, ທ່ານນາຍົກລັດຖະມົນຕີຍີປຸ່ນ Shinzo Abe ​ໄດ້​ມີ​ການ​ພົບ​ປະ​ກັບ ປະທານາທິບໍດີ​ອາ​ເມ​ລິ​ກາ Barak Obama ​ແລະ ນີ້​ແມ່ນ​ການ​ພົບ​ປະຄັ້ງທຳ​ອິດລະຫວ່າງ​ທ່ານ Shinzo Abe ​ແລະ ທ່ານ Barak Obama ພາຍຫຼັງ​ທີ່​ທັງ 2 ທ່ານ​ພ້ອມ​ກັນ​ສາບານ​ຕົວ​ເຂົ້າ​ດຳລົງ​ຕຳ​ແໜ່​ງ​ເມື່ອ​ທ້າ​ຍປີ​ກາຍ. ຕາມ​ແຜນການ​ແລ້ວ, ການ​ນຳ​ທັງ 2 ທ່ານ​ຈະ​ປຶກສາ​ຫາລື​ບາງ​ບັນຫາ 2 ຝ່າຍ ​ແລະ ພາກ​ພື້ນ​ຊຶ່ງ​ຕ່າງ​ຝ່າຍ​ຕ່າງ​ມີ​ຄວາມ​ສົນ​ໃຈ. ພາຍຫຼັງ​ຂຶ້ນ​ກຳ​ອຳນາດ​ຫວ່າງ​ປີ​ກາຍ​ນີ້, ທ່ານ ນາຍົກລັດຖະມົນຕີຍີປຸ່ນ Shinzo Abe ​ໄດ້​ເນັ້ນ​ໜັກ​​ເຖິງ​ຈຸດ​ສຸມຍຸດ​ທະ​ສາດການ​ຕ່າງປະ​ເທດ​ຂອງ​ລັດຖະບານ​ຍີ​ປຸ່ນ​ແມ່ນ​ເພີ່ມ​ທະວີ​ການ​ພົວພັນ​ກັບ​ອາ​ເມ​ລິ​ກາ​ໃນ​ຂົງ​ເຂດ​ປ້ອງ​ກັນ​ຄວາມ​ສະຫງົບ ​ແລະ ​ເສດຖະກິດ, ຖື​ວ່ານັ້ນ​ແມ່ນ​ວິທີ​ເພື່ອ​ຮັບ​ມື​ກັບ​ສະພາບ​ການ​ແຫ່ງຄວາມ​ສະຫງົບ​ປອດ​ໄພ​ຢູ່​ອາຊີ​ຕາ​ເວັນ​ອອກ​ທີ່​ນັບ​ມື້​ນັບ​ຊົ່ວ​ຮ້້າຍ​ລົງ. ນອກຈາກ​ນັ້ນ, ການ​ນຳ​ທັງ 2 ທ່ານຈະ​ສຸມ​​ໃສ່ປຶກສາ​ຫາລື​ບັນດາ​ບັນຫາທີ່​ກ່ຽວຂ້ອງ​ເຖິງ ສ.ປ.ປ.​ເກົາຫຼີ. ການ​ພິພາດ​ອະທິປະ​​ໄຕ​​ເຂດ​ນ່ານນ້ຳ​ດິນ​ແດນ​ລະຫວ່າງ​ໂຕ​ກຽວ ​ແລະ ປັກ​ກິ​ງຢູ່​ທະ​ເລ​ຮ່ວາ​ຕຸ​ງ ກໍ​ແມ່ນ​ໜຶ່ງ​​ໃນ​ບັນດາ​ຫົວ​ເລື່ອງ​ທີ່ ທ່ານ Shinzo Abe ​ແລະ ທ່ານ Barak Obama ນຳ​ມາ​ປຶກສາ​ຫາລື​ໃນ​ການ​ເຈລະຈາ.