(ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະກັບທ່ານປະທານາທິບໍດີ ຕວັກກີ Recep Tayyip Erdogan)

        ເນື່ອງໃນໂອກາດເຂົ້າຮ່ວມກອງປະຊຸມບັນດາການນຳ BRICS ເປີດກວ້າງປີ 2024, ຢູ່ Kazan, ສະຫະພັນ ລັດເຊຍ, ວັນທີ 23 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະ 2 ຝ່າຍກັບການນຳຫຼາຍປະເທດໃນໂລກ.

        ທີ່ການພົບປະກັບທ່ານປະທານາທິບໍດີ ຕວັກກີ Recep Tayyip Erdogan, ທ່ານນາຍົກລັດຖະມົນຕີ ຟ້າມມິງຈິງ ປາດຖະໜາວ່າ, ບັນດາວິສາຫະກິດຂອງ ຕວັກກີ ຈະໃຫ້ຄວາມສົນໃຈໃນການລົງທຶນເຂົ້າ ຫວຽດນາມ ຫຼາຍກວ່າອີກ. ການນຳ 2 ທ່ານໄດ້ຕີລາຄາການພົວພັນລະຫວ່າງ 2 ປະເທດໃນໄລຍະຜ່ານມາ, ແລກປ່ຽນບັນຫາພາກພື້ນ ແລະ ສາກົນຈຳນວນໜຶ່ງ.

        ທີ່ການພົບປະກັບທ່ານປະທານາທິບໍດີ ກາຊັກສະຖານ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານປະທານາທິບໍດີ ກາຊັກສະຖານ Kassym-Jomart Tokayev ໄດ້ເຫັນດີແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ; ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ; ສ້າງເງື່ອນໄຂສະດວກຫຼາຍກວ່າໃຫ້ແກ່ການຮ່ວມມືດ້ານຄົມມະນາຄົມຂົນສົ່ງ, ການບິນ, ທ່ອງທ່ຽວ ແລະ ການພົບປະແລກປ່ຽນປະຊາຊົນ.

        ທີ່ການແລກປ່ຽນກັບທ່ານປະທານາທິບໍດີ ຕວັກເມນິດຖານ Serdar Berdimuhamedow, ທ່ານນາຍົກລັດຖະມົນຕີ ຟ້າມມິງຈິງ ຢືນຢັນວ່າ, ຍາມໃດ ຫວຽດນາມ ກໍ່ຖືການພົວພັນມິດຕະພາບທີ່ເປັນມູນເຊື້ອເປັນສຳຄັນ ແລະ ປາດຖະໜາຢາກເຮັດໃຫ້ການຮ່ວມມືກັບ ຕວັກເມນິດຖານ ໃນທຸກຂົງເຂດເລິກເຊິ່ງກວ່າອີກ.

        ໃນວັນດຽວກັນ, ທ່ານນນາຍົກລັດຖະມົນຕີ ຟ້າມມິງຈິງ ກໍ່ໄດ້ຕ້ອນຮັບທ່ານລັດຖະມົນຕີກະຊວງພະລັງງານສະຫະພັນ ລັດເຊຍ Sergey Tsiviliev ແລະ ທ່ານຜູ້ອຳນວຍການໃຫຍ່ບໍລິສັດ Zarubezhneft ເຊັ່ນດຽວກັນ.