(VOVWORLD) -ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ປີ 2023 ມີຄວາມໝາຍສຳຄັນພິເສດ, ແມ່ນປີບານພັບ ເພື່ອປະຕິບັດແຜນການພັດທະນາເສດຖະກິດ ສັງຄົມ ໄລຍະ 5 ປີ 2021 – 2025.
 ທ່ານນາຍົກລັດຖະມົນຕີ ຟ້າມມິງຈິງກ່າວຄຳເຫັນໄຂກອງປະຊຸມ (ພາບ: VOV) |
ຕອນເຊົ້າວັນທີ 3 ມັງກອນ, ຢູ່ສຳນັກງານລັດຖະບານ, ໄດ້ດຳເນີນກອງປະຊຸມສະຫຼຸບວຽກງານປີ 2022 ແລະ ຜັນຂະຫຍາຍສະຫຼຸບຂອງສູນກາງ, ມະຕິຂອງສະພາແຫ່ງຊາດຊຸດທີ XV ກ່ຽວກັບແຜນການພັດທະນາເສດຖະກິດ ສັງຄົມ ປີ 2023. ເຂົ້າຮ່ວມກອງປະຊຸມມີທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝຸຈ້ອງ, ທ່ານປະທານປະເທດ ຫງວຽນຊວັນຟຸກ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເວືອງດິ່ງເຫ້ວ.
ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ປີ 2023 ມີຄວາມໝາຍສຳຄັນພິເສດ, ແມ່ນປີບານພັບ ເພື່ອປະຕິບັດແຜນການພັດທະນາເສດຖະກິດ ສັງຄົມ ໄລຍະ 5 ປີ 2021 – 2025. ລັດຖະບານໄດ້ສຸມໃສ່ຊີ້ນຳບັນດາກະຊວງ, ຂະແຫນງການ, ທ້ອງຖິ່ນ ມານະພະຍາຍາມ, ໄດ້ຕັດສິນໃຈຢ່າງສູງສຸດ ເພື່ອປະຕິບັດແຜນການພັດທະນາເສດຖະກິດສັງຄົມ ປີ 2023 ດ້ວຍທິດນຳທີ່ວ່າ: “ສາມັກຄີ, ມີລະບຽບວິໄນ, ຄຸນນະທາດ, ມີໄຫວພິບ, ເປັນເຈົ້າການ, ມີຫົວຄິດປະດິດສ້າງ, ທັນການ, ມີປະສິດທິຜົນ”. ທ່ານນາຍົກລັດຖະມົນຕີ ຮຽກຮ້ອງຕ້ອງເຫັນດີເປັນເອກະພາບຄວາມຮັບຮູ້ ແລະ ຜັນຂະຫຍາຍຢ່າງມີປະສິດທິຜົນວຽກງານຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້, ຊຸກຍູ້ການເຕີບໂຕ, ຮັບປະກັນຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ, ເໝາະສົມກັບສະພາບການໃໝ່ຂອງປີ 2023.