ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເຂົ້າຮ່ວມກອງປະຊຸມ

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢັ້ງຢືນວ່າ ພັກ, ລັດ ຍາມໃດກໍມີທັດສະນະສະເໝີຕົ້ນສະເໝີປາຍປະຕິບັດນະໂຍບາຍເຄົາລົບ ແລະ ຮັບປະກັນສິດເສລີໃນການເຫຼື້ອມໃສ, ເຊື່ອຖືສາສະໜາຂອງປະຊາຊົນ. ພໍ່ແມ່ປະຊາຊົນຜູ້ເຊື່ອຖືສາສະໜາ ແມ່ນພາກສ່ວນສຳຄັນຂອງຊາດ ຫວຽດນາມ, ຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ຕະຫຼອດໄລຍະປະຫວັດສາດຂອງປະເທດຊາດ, ຊີວິດການເຫຼືື້ອມໃສ, ເຊື່ອຖືສາສະໜາ ແມ່ນພາກສ່ວນບໍ່ອາດຕັດແຍກອອກຈາກຊີວິດວັດທະນະທຳ, ຈິດໃຈຂອງຊາດ ຫວຽດນາມ, ຂອງປະຊາຊົນ ຫວຽດນາມ ໄດ້. ກ່ຽວກັບວຽກງານສາສະໜາໃນໄລຍະຈະມາເຖິງ, ທ່ານນາຍົກລັດຖະມົນຕີສະເໜີວ່າ:

        “ຕ້ອງເປັນເສນາທິການໃຫ້ແກ່ພັກ, ລັດ ເພື່ອປັບປຸງກົນໄກ, ນະໂຍບາຍ, ກົດໝາຍທີ່ກ່ຽວຂ້ອງເຖິງການເຫຼື້ອມໃສ, ເຊື່ອຖືສາສະໜາ ໃຫ້ສົມບູນແບບ. ສ້າງກົນໄກ, ລະດົມ, ເສີມຂະຫຍາຍທຸກແຫຼ່ງກຳລັງຂອງສາສະໜາໃນການສ້າງສາ ແລະ ພັດທະນາປະເທດຊາດ. ສືບຕໍ່ເອົາໃຈໃສ່, ມີນະໂຍບາຍລະອຽດ ເພື່ອແນໃສ່ໃຫ້ກຳລັງໃຈທາງດ້ານວັດຖຸ ແລະ ຈິດໃຈຕໍ່ຜູ້ທີ່ມີຜົນງານດີເດັ່ນໃນຂະບວນການແຂ່ງຂັນຮັກຊາດ. ເອົາໃຈໃສ່ພັດທະນາເສດຖະກິດ, ສັງຄົມ, ຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ, ໂດຍສະເພາະແມ່ນເຂດພໍ່ແມ່ປະຊາຊົນເຊື່ອຖືສາສະໜາເພື່ອເປົ້າໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ.”