ທ່ານນາຍົກລັດຖະມົນຕີ ຟ້າມມິງຈິງ ໄດ້ພົບປະກັບຜູ້ຕາງໜ້າດີເດັ່ນຂອງ ແມ່ຍິງທຸກຊັ້ນຄົນ (ພາບ: TTXVN)

ຕອນບ່າຍວັນທີ 19 ຕຸລາ, ທ່ານນາຍົກລັດຖະມົນຕີ ຟ້າມມິງຈິງ ໄດ້ພົບປະກັບຜູ້ຕາງໜ້າດີເດັ່ນຂອງ ແມ່ຍິງທຸກຊັ້ນຄົນ ເນື່ອງໃນໂອກາດສະເຫຼີມສະຫຼອງ 91 ປີແຫ່ງວັນສ້າງຕັ້ງສະຫະພັນແມ່ຍິງ ຫວຽດນາມ, ວັນແມ່ຍິງ ຫວຽດນາມ ຄືວັນທີ 20 ຕຸລາ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິງ ໄດ້ຢັ້ງຢືນວ່າ ພັກ, ລັດ ໄດ້ຮັບຮູ້ບັນດາການອຸທິດສ່ວນ ແລະ ບົດບາດອັນຍິ່ງໃຫຍ່ຂອງ ແມ່ຍິງ ຫວຽດນາມ ຜ່ານບັນດາໄລຍະ ແລະ ຍາມໃດກໍ່ເອົາໃຈໃສ່ເຖິງນະໂຍບາຍສຳລັບແມ່ຍິງ ຄື ນະໂຍບາຍຄວາມສະເໝີພາບລະຫວ່າງຍິງຊາຍ, ການເບິ່ງແຍງດູແລສຸຂະພາບ, ສ້າງວຽກເຮັດງານທຳ…

ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງກວດກາຄືນ ນະໂຍບາຍສຳລັບແມ່ຍິງ ແລະ ເດັກນ້ອຍ. ໃນສະເພາະໜ້າແມ່ນ ສ້າງຮ່າງມະຕິວ່າດ້ວຍບາງນະໂຍບາຍໜູນຊ່ວຍ ແມ່ຍິງ ແລະ ເດັກນ້ອຍທີ່ປະສົບກັບຄວາມຫຍຸ້ງຍາກຈາກໂລກລະບາດໂຄວິດ - 19 ໃຫ້ສົມບູນແບບໂດຍດ່ວນ, ຍື່ນສະເໜີຕໍ່ຂັ້ນທີ່ມີສິດອຳນາດພິຈາລະນາ, ຕັດສິນ. ລັດຖະບານຈະຄົ້ນຄ້ວາ, ສະເໜີການສ້າງນະໂຍບາຍເພື່ອຮັບປະກັນຊີວິດການເປັນຢູ່ຂອງກຳມະກອນຍິງ ໃນບັນດາເຂດອຸດສາຫະກຳ, ເປັນຕົ້ນແມ່ນນະໂຍບາຍກ່ຽວກັບເຮືອນຢູ່, ໂຮງລ້ຽງເດັກ, ໂຮງຮຽນ ເພື່ອໃຫ້ ບັນດາເອື້ອຍນ້ອງຍິງມີຄວາມອຸ່ນອ່ຽນໃຈ ອອກແຮງງານທຳການຜະລິດ.

ທ່ານນາຍົກລັດຖະມົນຕີ ຫວັງວ່າ ສະຫະພັນແມ່ຍິງສືບຕໍ່ສ້າງ, ປະຕິບັດແຜນການຜັນຂະຫຍາຍວຽກງານກໍ່ສ້າງຄອບຄົວ ໃນສະພາບການໃໝ່ ແລະ ວຽກງານລົບລ້າງຄວາມອຶດຫິວແບບຍືນຍົງຢ່າງແທດຈິງ, ມີປະສິດທິຜົນ.