ບັນດາຜູ້ແທນ ແລະ ທ່ານນາຍົກລັດຖະມົນຕີ ເຂົ້າຮ່ວມພິທີເລີ່ມລົງມືກໍ່ສ້າງໂຄງການ (ພາບ: VGP)

ຕອນເຊົ້າວັນທີ 23 ທັນວາ, ຢູ່ຮຶງອຽນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີລົງມືກໍ່ສ້າງ 2 ກິດຈະກຳກໍ່ສ້າງພື້ນຖານໂຄງລ່າງຄົມມະນາຄົມຈຸດສຸມຂອງແຂວງ, ເຊື່ອມຕໍ່ການພັດທະນາເສດຖະກິດ - ສັງຄົມຢູ່ແຂວງ ຮຶງອຽນ ກັບນະຄອນຫຼວງ ແລະ ເຂດເສດະກິດຈຸດສຸມທາງພາກເໜືອ. ບັນດາໂຄງການນີ້ ສວມບົດບາດສຳຄັນເພື່ອໃຫ້ ຮຶງອຽນເພິ່ງຕົນເອງ ພັດທະນາຢ່າງແຮງໃນໄລຍະຈະມາເຖິງ.

ບັນດາໂຄງການໄດ້ເລີ່ມລົງມືກໍ່ສ້າງລວມມີ ໂຄງການຍົກລະດັບ, ຂະຫຍາຍເສັ້ນທາງລະຫວ່າງນະຄອນ ຮ່າໂນ້ຍ - ຮຶງອຽນ ແກ່ຍາວ ແລະ ໂຄງການເສັ້ນທາງເຊື່ອມຕໍ່ເສັ້ນທາງດ່ວນ ຮ່າໂນ້ຍ - ຫ໋າຍຝ່ອງ ກັບເສັ້ນທາງດ່ວນ ເກົ່າແຢ໊ - ນິງບິ່ງ.

ການລົງທຶນກໍ່ສ້າງ 2 ເສັ້ນທາງນີ້ແມ່ນເພື່ອແນໃສ່ກໍ່ສ້າງສຳເລັດໂຄງປະກອບພື້ນຖານໂຄງລ່າງຄົມມະນາຄົມ ຂົນສົ່ງທີ່ຈຳເປັນຂອງແຂວງ ຮຶງອຽນເວົ້າສະເພາະ ແລະ ຂອງເຂດເວົ້າລວມ ຕາມທິດທັນສະໄໝ, ຮັບໃຊ້ໃຫ້ແກ່ການຂົນສົ່ງສິນຄ້າ ແລະ ການເດີນທາງໄປມາຂອງປະຊາຊົນໃຫ້ເປັນຢ່າງດີ, ປະກອບສ່ວນຍູ້ແຮງການດຶງດູດການລົງທຶນ, ພັດທະນາເສດຖະກິດ - ສັງຄົມຂອງທ້ອງຖິ່ນ ແລະ ບັນດາເຂດໃກ້ຄຽງ.

ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຍົກໃຫ້ເຫັນຢ່າງຈະແຈ້ງກ່ຽວກັບຄວາມຮັບຜິດຊອບ ຂອງບັນດາອົງການ ທີ່ເຂົ້າຮ່ວມການຜັນຂະຫຍາຍບັນດາໂຄງການນີ້. ອຳນາດການປົກຄອງທຸກຂັ້ນຕ້ອງປະຕິບັດບົດບາດໜ້າທີ່ໃນການຄຸ້ມຄອງລັດ ຢ່າງເຂັ້ມງວດ, ມີປະສິດທິຜົນ ໃນທຸກຂັ້ນຕອນຂອງໂຄງການ.