ຕອນບ່າຍວັນທີ 7 ເມສາ, ຢູ່ສຳນັກງານລັດຖະບານ, ທີ່ການຕ້ອນຮັບທ່ານ ສາດສະດາຈານ Alec Cameron ປະທານມະຫາວິທະຍາໄລ RMIT ອົດສະຕາລີ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຕີລາຄາສູງມະຫາວິທະຍາໄລ RMIT ຫວຽດນາມ ເຊິ່ງແມ່ນນັກລົງທຶນໃຫຍ່ທີ່ສຸດຂອງ ອົດສະຕາລີ ເຂົ້າມາລົງທຶນຢູ່ ຫວຽດນາມ ພ້ອມທັງແມ່ນນັກລົງທຶນຕ່າງປະເທດໃຫຍ່ທີ່ສຸດກ່ຽວກັບການສຶກສາໃນປັດຈຸບັນ. ທ່ານນາຍົກລັດຖະມົນຕີ ກໍ່ຕີລາຄາວ່າ ການສຶກສາ, ບຳລຸງສ້າງ ແລະ ການພົວພັນແລກປ່ຽນປະຊາຊົນໄດ້ກາຍເປັນ ຂົງເຂດຮ່ວມມືຈຸດສຸມໃນການພົວພັນຄູ່ຮ່ວມມືຍຸດທະສາດ ທີ່ພວມມີການພັດທະນາອັນດີງາມລະຫວ່າງສອງປະເທດ.

ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ລັດຖະບານ ຫວຽດນາມ ຍາມໃດກໍ່ສ້າງເງື່ອນໄຂສະດວກໃຫ້ແກ່ນັກລົງທຶນຕ່າງປະເທດເຂົ້າມາເຄື່ອນໄຫວຢູ່ ຫວຽດນາມ, ໃນນັ້ນມີ ມະຫາວິທະຍາໄລ RMIT, ທ່ານກໍ່ປາດຖະໜາກວ່າ ມະຫາວິທະຍາໄລ RMIT ຈະສືບຕໍ່ພັດທະນາຢ່າງແຮງ, ກາຍເປັນຮູບແບບເພື່ອດຶງດູດ ວິສາຫະກິດອື່ນຂອງອົດສະຕາລີມາລົງທຶນຢູ່ ຫວຽດນາມ ໃນໄລຍະຈະມາເຖິງ ຕື່ມອີກ, ເພື່ອປະກອບສ່ວນເຂົ້າໃນການຊຸກຍູ້ການພົວພັນມິດຕະພາບ ແລະ ຄູ່ຮ່ວມມືຍຸດທະສາດລະຫວ່າງສອງປະເທດໃຫ້ຫຼາຍກ່ວາອີກ.

ສ່ວນທ່ານສາດສະດາຈານ Alec Cameron ໄດ້ໃຫ້ຄຳໝັ້ນສັນຍາວ່າ RMIT ຈະສືບຕໍ່ຮ່ວມມືກັບ ຫວຽດນາມ, ທ່ານກໍ່ສະແດງຄວາມປາດຖະໜາກຢາກໃຫ້ທ່ານນາຍົກລັດຖະມົນຕີ ສືບຕໍ່ໜູນຊ່ວຍສ້າງເງື່ອນໄຂໃນການລົງທຶນ ແລະ ຄຸ້ມຄອງໃຫ້ແກ່ມະຫາວິທະຍາໄລ RMIT.