(VOVWORLD) -ເລື່ອງແຂວງ ກວາງນິງ ນຳ 2 ກິດຈະກຳຈຸດສຸມດັ່ງກ່າວນຳເຂົ້າໃຊ້ການ ແລະ ເປີດເສັ້ນທາງຄວາມໄວສູງ ເວິນໂດນ - ມອງກາຍ ມີຄວາມໝາຍສຳຄັນຕໍ່ພາລະກິດແຫ່ງການພັດທະນາຂອງແຂວງ ກວາງນິງ
 ພິທີເປີດນຳໃຊ້ເສັ້ນທາງອ້ອມທະເລ ຮະລອງ - ເກິມຟາ ໄລຍະ 1(ພາບ: TTXVN)
|
ຕອນເຊົ້າວັນທີ 26 ມັງກອນ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ເຂົ້າຮ່ວມພິທີເປີດນຳໃຊ້ບາງກິດຈະກຳຈຸດສຸມຂອງແຂວງ ກວາງນິງ ລວມມີ: ຂົວ ຕິ່ງອຽວ (ຂົວຄວາມຮັກ), ເສັ້ນທາງອ້ອມທະເລ ຮະລອງ - ເກິມຟາ ໄລຍະ 1.
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຟ້າມມິນຈິງ ເນັ້ນໜັກວ່າ, ເລື່ອງແຂວງ ກວາງນິງ ນຳ 2 ກິດຈະກຳຈຸດສຸມດັ່ງກ່າວນຳເຂົ້າໃຊ້ການ ແລະ ເປີດເສັ້ນທາງຄວາມໄວສູງ ເວິນໂດນ - ມອງກາຍ ມີຄວາມໝາຍສຳຄັນຕໍ່ພາລະກິດແຫ່ງການພັດທະນາຂອງແຂວງ ກວາງນິງ, ແມ່ນກຳລັງໜູນເພື່ອພັດທະນາເສດຖະກິດ-ສັງຄົມຢ່າງວ່ອງໄວ, ຍູ້ແຮງການພັດທະນາບັນດາໂຄງການໃນພາກພື້ນ, ໂດຍສະເພາະແມ່ນບັນດາໂຄງການລົງທຶນຂອງນັກລົງທຶນຍຸດທະສາດ, ສ້າງການເຊື່ອມຕໍ່ຄົມມະນາຄົມຢ່າງຄົບຊຸດ. ພ້ອມກັນນັ້ນ, ຂົວ ຕິ່ງອຽວ ຢູ່ເຂດອ່າວ ເກືອລຸກ, ເສັ້ນທາງອ້ອມທະເລ ຮະລອງ - ເກິມຟາ ຈະສ້າງເປັນຜະລິດຕະພັນທ່ອງທ່ຽວໃໝ່ໃຫ້ແກ່ນະຄອນ ຮະລອງ ແລະ ເກິມຟາ.
ແລະກໍ່ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຟ້າມມິນຈິງ ໄດ້ເຂົ້າຮ່ວມພິທີເປີດນຳໃຊ້ເສັ້ນທາງຄວາມໄວສູງຕອນ ເວິນໂດນ - ມອງກາຍ; ຢ້ຽມຢາມ ແລະ ອວຍພອນບຸນເຕັດ ກຳມະກອນທີ່ພວມເຮັດວຽກຢູ່ກິດຈະກຳດັ່ງກ່າວ.