(ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານຮອງປະທານກຸ່ມບໍລິສັດ Lotte, ສ.ເກົາຫຼີ)

ນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເນັ້ນໜັກວ່າ ພ້ອມກັບບັນດາກຸ່ມບໍລິສັດໃຫຍ່ຂອງ ສ.ເກົາຫຼີ Lotte ພວມສວມບົດບາດທີ່ສຳຄັນທີ່ສຸດ ໃນການເຄື່ອນໄຫວການລົງທຶນຂອງ ສ.ເກົາຫຼີຢູ່ຫວຽດນາມ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ກຸ່ມບໍລິສັດ Lotte ໜູນຊ່ວຍ ຫວຽດນາມ ຈຳໜ່າຍຜະລິດຕະພັນກະເສດຄືຜັກ, ໝາກໄມ້ນຳເຂົ້າໃນຕະຫຼາດຂອງ ສ.ເກົາຫຼີ. ຄຽງຂ້າງນັ້ນ, ທ່ານນາຍົກລັດຖະມົນຕີ ກໍປາດຖະໜາວ່າ ດ້ວຍລະບົບຂາຍຍ່ອຍ, Lotte ມີການບໍລິການຂະໜາດໃຫຍ່ຢູ່ຫຼາຍແຂວງ, ນະຄອນ ຈະໜູນຊ່ວຍຫວຽດນາມໃນການຜະລິດບັນດາຜະລິດຕະພັນຄື ຢາງ, ຊອັກໂກເລດ ແລະ ບັນດາຜະລິດຕະພັນອຸດສະຫະກຳອື່ນໆທີ່ຫວຽດນາມ ມີທ່າແຮງ ເພື່ອຮັບໃຊ້ການສົ່ງອອກ.

          ທ່ານຮອງປະທານກຸ່ມບໍລິສັດ Lotte Hwang Kag Gyu ຢັ້ງຢືນວ່າ Lotte ຖືຫວຽດນາມເປັນຕະຫຼາດຈຸດສຸມ ແລະ ມີຄວາມປາດຖະໜາຢາກກາຍເປັນຄູ່ຮ່ວມມືທີ່ໜ້າໄວ້ເນື້ອ  ເຊື່ອໃຈ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ ແລະ ການເຕີບໂຕຂອງຫວຽດນາມ. ທ່ານ Hwang Kag Gyu ປາດຖະໜາວ່າ ຈະສືບຕໍ່ໄດ້ຮັບການສະໜັບສະໜູນຈາກ ນາຍົກລັດຖະມົນຕີ ຫວຽດນາມ ແລະ ບັນດາອົງການເຈົ້າໜ້າທີ່ຂອງຫວຽດນາມ ສຳລັບບັນດາການເຄື່ອນໄຫວ ຜະລິດດຳເນີນທຸລະກິດຂອງ Lotte ໃນໄລຍະຕໍ່ໄປ.