ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ການເຮັດວຽກ (ພາບ: laodong.vn)

ຕອນເຊົ້າວັນທີ 25 ກັນຍາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານການເຮັດວຽກກັບ ສະຫະພັນໃຫຍ່ແຮງງານຫວຽດນາມໂດຍມີການເຂົ້າຮ່ວມຂອງການນໍາບັນດາກະຊວງ, ຂະແໜງການ, ຕີລາຄາໝາກຜົນຂອງການປະຕິບັດລະບຽບການສົບທົບ ວຽກງານລະຫວ່າງລັດຖະບານ ແລະ ສະຫະພັນໃຫຍ່ແຮງງານຫວຽດນາມໃນປີ 2018, ບັນດາໜ້າທີ່ສົມທົບຈຸດສຸມໃນປີ 2019, 2020. ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຊີ້ແຈ້ງວ່າ ໄລຍະໃນປັດຈຸບັນ, ບັນດາວິສາຫະກິດ ຫວຽດນາມຕ້ອງແກ່ງແຍ້ງກັບບັນດາວິສາຫະກິດຕ່າງປະເທດຢ່າງແຮງ, ດັ່ງນັ້ນການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານແມ່ນຈຳເປັນທີ່ສຸດ, ຊ່ວຍຍົກສູງລາຍຮັບ, ຮັບປະກັນຊີວິດການເປັນຢູ່ໃຫ້ແກ່ກຳມະກອນ, ຜູ້ອອກແຮງງານ, ໃນນັ້ນມີບັນດາລະບອບໃຫ້ກໍາມະກອນ ແລະ ເຮືອນຢູ່ໃຫ້ແກ່ກໍາມະບານ.

ພິເສດ, ອົງການກຳມະບານ ຫວຽດນາມຕ້ອງສົມທົບກັບກະຊວງແຮງງານ - ທະຫານຜູ້ເສຍອົງຄະ ແລະ ສັງຄົມເປັນຢ່າງດີເພື່ອສາມາດແກ້ໄຂຫຼາຍບັນຫາທີ່ກ່ຽວຂ້ອງເຖິງຜູ້ອອກແຮງງານ, ເປັນຕົ້ນແມ່ນບັນດາຂໍ້ຄົງຄ້າງທາງດ້ານລະບອບນະໂຍບາຍ, ແກ້ໄຂບັນຫາເຄັ່ງຮ້ອນຂອງຜູ້ອອກແຮງງານ… ກຳມະບານກໍ່ຕ້ອງສືບຕໍ່ເຂົ້າຮ່ວມໃນການກໍ່ສ້າງລະບອບລະບຽບການໃຫ້ມີປະສິດທິຜົນ, ຍົກສູງຄຸນນະພາບຂໍ້ຕົກລົງແຮງງານລວມໝູ່, ເພີ່ມທະວີການໂອ້ລົມສົນທະນາ, ເບິ່ງແຍງດູແລເຖິງຊີວິດທາງດ້ານວັດຖຸ ແລະ ຈິດໃຈໃຫ້ແກ່ຜູ້ອອກແຮງງານ.