(vovworld) - ການ​ໄປ​ປະຕິບັດ​ງານ​ຂອງ​ທ່ານ​ນາຍົກລັດ​ຖະມົນຕີ​​ໃນ​ລະຫວ່າງ​ວັນ​ທີ 08 – 10 ຕຸລາ, ຕາມ​ຄຳ​ເຊີນ​ຂອງ​ພະ​ບາດ​ສົມ​ເດັດພະ​ເຈົ້າ​ມະຫາ​ຊີວິດ​ບຣຸ​ໄນ Hassanal Bolkiah, ປະ​ເທດປະທານ​ອາ​ຊຽນ. ຄະນະ​ຜູ້​ແທນ​ຫວຽດນາມ ​ເຂົ້າ​ຮ່ວມ​ກອງ​ປະຊຸມ​ຂັ້ນ​ສູງ​ຄັ້ງ​ທີ 23 ​ແລະ ບັນດາ​ກອງ​ປະຊຸມ​ຂັ້ນ​ສູງ​ທີ່​ກ່ຽວຂ້ອງ​ຄັ້ງນີ້ ດ້ວຍ​ຈິດ​ໃຈພ້ອມ​ກັບ​ບັນດາ​ປະ​ເທດ​ອາ​ຊຽນ ຊຸກຍູ້ຄວາມ​ສາມັກຄີ ​ແລະ ບົດບາດ​ໃຈ​ກາງຂອງ​ອາ​ຊຽນ ​ໃນ​ໂຄງ​ປະກອບ​ພາກ​ພື້ນ​ທີ່​ພວມ​ໄດ້​ຮັບ​ການ​ສ້າງ​ຕັ້ງ, ປະກອບສ່ວນ​ສ້າງ​ອາ​ຊຽນ ​ໃຫ້​ໝັ້ນຄົງ​ເຂັ້ມ​ແຂງ ​ແລະ ​ເຊື່ຶອມຕໍ່ຢ່າງ​ແໜ້ນ​ແຟ້ນ, ຊຸກຍູ້​ສະພາບ​ແວດ​ລ້ອມ​ແຫ່ງ​ສັນຕິພາບ, ຄວາມ​ໝັ້ນ​ຄົງ, ສະຖຽນ​ລະ​ພາບ, ການຮ່ວມ​ມື ​ແລະ ພັດທະນາ​ຢູ່​ໃນ​ພາກ​ພື້ນ, ຜ່ານ​ນັ້ນ ຍົກ​ສູງ​ບົດບາ, ທີ່​ຕັ້ງ​ຂອງ​ຫວຽດນາມ.

        ​ເນື່ອງ​ໃນ​ໂອກາດ​ເຂົ້າ​ຮ່ວມ​ກອງ​ປະຊຸມ​ຂັ້ນ​ສູງ​ອາ​ຊຽນ ຄັ້ງ​ທີ 23 ​ແລະ ​ແລະ ບັນດາ​ກອງ​ປະຊຸມ​ຂັ້ນ​ສູງ​ທີ່​ກ່ຽວຂ້ອງ, ທ່ານ​ນາຍົກລັດຖະມົນຕີຫງວຽນ​ເຕີນ​ຢຸງ ຈະ​ພ້ອມ​ກັບ​ທ່ານ​ນາຍົກລັດຖະມົນຕີອົດສຕາລີ Tony Abbott ພ້ອມ​ກັນ​ເປັນ​ປະທານ​ກອງ​ປະຊຸມ​ຂັ້ນ​ສູງ​ຮ່ວມສຳພັນ​​ຕ້ານ​ໄຂ້ຍຸງ​ຢູ່ພາກ​ພື້ນ​ອາຊີ​ຕາ​ເວັນ​ອອກ​ສ່ຽງ​ໃຕ້. ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ກໍ່​ຈະ​ມີ​ການ​ພົບ​ປະ​ເຈລະຈາ 2 ຝ່າຍກັບ​ບັນດາ​ການ​ນຳ​ໃນ​ອາ​ຊຽນ ​ແລະ ບັນດາ​ຄູ່​ຮ່ວມ​ມື​ຂອງ​ອາ​ຊຽນ ​ເພື່ອ​ແນ​ໃສ່​ຊຸກຍູ້​ການ​ພົວພັນ 2 ຝ່າຍ​ລະຫວ່າງ​ຫວຽດນາມ ກັບ​ຄູ່​ຮ່ວມ​ມື​ຕ່າງໆ.