(vovworld) - ທ່ານນາຍົກລັດຖະມົນຕີ ຫງວຽນເຕີ໋ນຢຸ້ງ ເດີນທາງໄປຢ້ຽມຢາມ ຍີ່ປຸນ ຢ່າງເປັນທາງການແຕ່ວັນທີ 12-15/12,ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຍີ່ປຸນ Shinzo Abe. ການຢ້ຽມຢາມດຳເນີນໄປໃນໂອກາດສະເຫຼີມສະຫຼອງ 40ປີ ແຫ່ງການສ້າງຕັ້ງສາຍພົວພັນທາງການທູດ ຫວຽດນາມ - ຍີ່ປຸນ ເພື່ອປະກອບສ່ວນເພີ່ມທະວີ ແລະ ເຮັດໃຫ້ສາຍພົວພັນຄູ່ຮ່ວມມືຍຸດທະສາດ ຫວຽດນາມ - ຍີ່ປຸນ ເລິກເຊິ່ງກວ່າອີກ, ພິເສດແມ່ນການຮ່ວມມືດ້ານເສດຖະກິດ, ການລົງທຶນ, ການຊ່ວຍເຫຼືອພັດທະນາ, ການສົມທົບກັນລະຫວ່າງ ຫວຽດນາມ ແລະ ຍີ່ປຸນ ຢູ່ບັນດາເວທີປາໄສພາກພື້ນ ແລະ ສາກົນ.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນເຕີ໋ນຢຸ້ງ ກໍເຂົ້າຮ່ວມກອງປະຊຸມຂັ້ນສູງສະເຫຼີມສະຫຼອງ 40ປີ ແຫ່ງສາຍພົວພັນຄູ່ເຈລະຈາ ອາຊຽນ - ຍີ່ປຸນ ແລະ ກອງປະຊຸມຂັ້ນສູງ ແມ່ນຳ້ຂອງ - ຍີ່ປຸນ ຄັ້ງທີ 5 ທີ່ນະຄອນຫຼວງ ໂຕກຽວ. ຍີ່ປຸນແມ່ນຄູ່ຮ່ວມມືສະໜັບສະໜູນທີ່ສຳຄັນໃຫ້ແກ່ວິວັດການສ້າງຕັ້ງປະຊາຄົມ ອາຊຽນ, ຮັດເຄບຊ່ອງຫວ່າງການພັດທະນາ, ພ້ອມທັງບູລິມະສິດໃຫ້ແກ່ການຮ່ວມມື ອະນຸພາກພື້ນແມ່ນ້ຳຂອງ, CLV ( ກຳປູເຈຍ - ລາວ - ຫວຽດນາມ ), ແລວຕາເວັນອອກ - ຕາເວັນຕົກ (EWEC). ເຂົ້າຮ່ວມກອງປະຊຸມຂັ້ນສູງ ແມ່ນຳ້ຂອງ - ຍີ່ປຸນ ຄັ້ງທີ 5, ຫວຽດນາມຈະສືບຕໍ່ມີບັນດາການປະກອບສ່ວນຢ່າງແທດຈິງ, ປະກອບສ່ວນຍົກສູງກົນໄກຮ່ວມມື ແມ່ນຳ້ຂອງ - ຍີ່ປຸນ ໃນໄລຍະຈະມາເຖີງຢ່າງມີປະສິດທິຜົນ.