ທ່ານນາຍົກລັດຖະມົນຕີ ຫງວຽນເຕີນຢຸງ ເຮັດວຽກ ກັບການນຳນະຄອນ ຫາຍຟ່ອງ
(ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ)
(vovworld) - ທີ່ການເຮັດວຽກເຊິ່ງດຳເນີນໄປໃນຕອນເຊົ້າວັນທີ 09/12, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ສະເໜີໃຫ້ການນຳນະຄອນຫາຍຟ່ອງ ມີບັນດາກົນໄກ, ນະໂຍບາຍຢ່າງລະອຽດ ເພື່ອຫັນປ່ຽນໂຄງປະກອບເສດຖະກິດຕາມລວງເລິກຢ່າງແຂງແຮງ ແລະ ມີປະສິດທິຜົນ, ມີຄຸນນະພາບ ແລະ ມູນຄ່າເພີ່ມສູງ. ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ.
“ຂ້າພະເຈົ້າຢາກເວົ້າແຈ້ງເລື່ອງອຸດສາຫະກຳຄວນສຸມໃສ່ດຶງດູດການລົງທຶນ ຍ້ອນວ່າ ນີ້ແມ່ນຂະແໜງທ້ອງຖິ່ນທີ່ມີທ່າແຮງ, ມີຄວາມສາມາດບົມຊ້ອນ. ທີ 2 ພື້ນຖານ ກະສິກຳຂອງຫາຍຟ່ອງ ແມ່ນພື້ນຖານກະສິກຳຂອງນະຄອນສູນກາງ ຕ້ອງນຳໃຊ້ວິທະຍາສາດເຕັກໂນໂລຊີ ເພື່ອບັນລຸມູນຄ່າເພີ່ມສູງ, ດຶງດູດວິສາຫະກິດລົງທຶນເຂົ້າເຂດຊົນນະບົດເພື່ອຫັນປ່ຽນເປັນໂຄງປະກອບແຮງງານ”.
ທ່ານນາຍົກລັດຖະມົນຕີ ຫງວຽນເຕີນຢຸງ ຊີ້ແຈ້ງວ່າ: ຫາຍຟ່ອງ ຕ້ອງນຳໃຊ້ບັນດາທ່າແຮງພື້ນຖານໂຄງລ່າງທ່າກໍ່າປັ່ນ, ສະໜາມບິນເພື່ອດຶງດູດການລົງທຶນຂອງຕ່າງປະເທດເຂົ້າຂົງເຂດອຸດສາຫະກຳສຳຮອງ ແລະ ເຕັກໂນໂລຊີສູງ ແລະ ເອົາໃຈໃສ່ເຖິງການພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ ກໍ່ຄືປະຕິບັດວຽກງານລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກເປັນຢ່າງດີ, ສ້າງວຽກເຮັດງານທຳ, ກໍ່ສ້າງຊົນນະບົດໃໝ່, ຮັບປະກັນຄວາມເປັນລະບຽບຮຽບຮ້ອຍທາງສັງຄົມ.