ທ່ານນາຍົກລັດຖະມົນຕີ ອັງກິດ Keir Starmer (ພາບ: TTXVN)

ວັນທີ 6 ກໍລະກົດ, ທ່ານນາຍົກລັດຖະມົນຕີ ອິນເດຍ Narendra Modi ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອັງກິດ Keir Starmer, ໃນນັ້ນ ການນຳສອງທ່ານ ໄດ້ເຫັນດີເປັນເອກະພາບມານະພະຍາຍາມມຸ່ງໄປເຖິງເປົ້າໝາຍລົງນາມໃດສັນຍາການຄ້າເສລີ (FTA) ສອງຝ່າຍ ໂດຍໄວ. ການນຳສອງທ່ານກໍເຫັນດີສືບຕໍ່ຊຸກຍູ້ການພົວພັນອັນສະໜິດແໜ້ນລະຫວ່າງປະຊາຊົນສອງປະເທດ.

              ກໍໃນວັນດຽວກັນ, ທ່ານນາຍົກລັດຖະມົນຕີ ຍີ່ປຸ່ນ Fumio Kishida  ໄດ້ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອັງກິດ Keir Starmer, ໃນນັ້ນ ສອງຝ່າຍໄດ້ເຫັນດີເພີ່ມທະວີການພົວພັນສອງຝ່າຍ. ທ່ານນາຍົກລັດຖະມົນຕີ ຍີ່ປຸ່ນ ເນັ້ນໜັກວ່າ ຍີ່ປຸ່ນ ພ້ອມແລ້ວທີ່ຈະຮ່ວມມືກັບ ອັງກິດ ເພື່ອຮັກສາ ແລະ ປັບປຸງຄວາມເປັນລະບຽບຮຽບຮ້ອຍສາກົນເສລີພາບ ແລະ ເປີດກວ້າງ ພາຍໃຕ້ກົດໝາຍ, ໃນສະພາບແວດລ້ອມຄວາມໝັ້ນຄົງທົ່ວໂລກນັບມື້ນັບສັບສົນ. ການນຳສອງທ່ານກໍຢັ້ງຢືນວ່າ ຍີ່ປຸ່ນ ແລະ ອັງກິດ ຈະສືບຕໍ່ຜັນຂະຫຍາຍໂຄງການລວມກັບ ອີຕາລີ ເພື່ອພັດທະນາເຮືອບິນສູ້ຮົບລຸ້ນຕໍ່ໄປ. ນອກຈາກນັ້ນ, ສອງຝ່າຍກໍແລກປ່ຽນທັດສະນະກ່ຽວກັບບັນຫາ ຢູແກຼນ, ຕາເວັນອອກກາງ ແລະ ອາຊີ.