ວັນທີ 17 ເມສາ, ທ່ານປະທານາທິບໍດີ ອິດສະຣາແອັນ Reuven Rivlin ບົ່ງຕົວທ່ານນາຍົກລັດຖະມົນຕີ Benjamin Netanyahu ເປັນຜູ້ຮັບຜິດຊອບການສ້າງຕັ້ງລັດຖະບານສະຫະພັນໃໝ່ຢ່າງເປັນທາງການ ພາຍຫຼັງການປ່ອນບັດເລືອກຕັ້ງສະພາແຫ່ງຊາດ (Knesset) ຄັ້ງທີ 21 ທີ່ຜ່ານມາ.

ທ່ານນາຍົກລັດຖະມົນຕີ Benjamin Netanyahu (ຢູ່ໃຈກາງ) (ພາບ: TTXVN)

        ກ່າວຄໍາເຫັນທີ່ການຖະແຫຼງຂ່າວ ພາຍຫຼັງບົ່ງຕົວທ່ານນາຍົກລັດຖະມົນຕີ Benjamin Netanyahu ຢ່າງເປັນທາງການ, ທ່ານປະທານາທິບໍດີ Reuven Rivlin ເນັ້ນໜັກວ່າ: “ໃນບັນດາລະບອບປະຊາທິປະໄຕ, ພັກມີທີ່ນັ່ງສ່ວນຫຼາຍໃນສະພາແຫ່ງຊາດແມ່ນມີສິດຕັດສິນ. ແລະ ໃນບັນດາການປ່ອນບັດເລືອກຕັ້ງຄືແນວນັ້ນ, ພັກມີທີ່ນັ່ງສ່ວນຫຼາຍໃນສະພາແຫ່ງຊາດໄດ້ຍົກອອກທັດສະນະຂອງຕົນ”. ທ່ານປະທານາທິບໍດີ Rivlin ກໍຮຽກຮ້ອງຫຼຸດຜ່ອນສະພາບການແບ່ງແຍກໃນສັງຄົມ ພາຍຫຼັງບັນດາການຕໍາໜິຕິຕຽນເຊິ່ງກັນແລະກັນລະຫວ່າງບັນດາພັກຝ່າຍ ກ່ອນດໍາເນີນການປ່ອນບັດເລືອກຕັ້ງ.