ທ່ານ Suga Yoshihide (ຜູ້ຢູ່ເບື້ອງຂວາ) ໃນພິທີຮັບດໍາລົງຕໍາແໜ່ງ (ພາບ:AFP/TTXVN)

        ຕອນຄໍ່າວັນທີ 16 ກັນຍາ, ກ່າວຄໍາເຫັນໃນການຖະແຫຼງຂ່າວຢ່າງເປັນທາງການຄັ້ງທໍາອິດ ໃນຖານະເປັນນາຍົກລັດຖະມົນຕີ ຍີ່ປຸ່ນ, ທ່ານ Suga Yoshihide ຢັ້ງຢືນວ່າ ບຸລິມະສິດແຖວໜ້າ ແມ່ນຮັບມືກັບໂລກລະບາດໂຄວິດ - 19 ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ບັນດານະໂຍບາຍດ້ານເສດຖະກິດ Abenomics ຂອງທ່ານ Shinzo Abe ແລະ ສຸມໃສ່ຟື້ນຟູບັນດາເຂດເສດຖະກິດ. ທ່ານກໍໃຫ້ຄໍາໝັ້ນສັນຍາວ່າ ຈະປັບປຸງລະບົບປະກັນສຸຂະພາບແຫ່ງຊາດ, ມານະພະຍາຍາມກວ່າອີກເພື່ອຫຼຸດຜ່ອນປະລິມານທາດພິດ ກາກບອນ ແລະ ຢຸດຕິລັດທິເຫັນແກ່ທາດສ່ວນຕົນ ໃນກົງຈັກການບໍລິຫານ.

        ກ່ຽວກັບການພົວພັນຕ່າງປະເທດ ແລະ ຄວາມໝັ້ນຄົງ, ທ່ານນາຍົກລັດຖະມົນຕີ Suga Yoshihide  ຢັ້ງຢືນວ່າ ການພົວພັນສໍາພັນທະມິດ ລະຫວ່າງ ຍີ່ປຸ່ນ - ອາເມລິກາ ຈະແມ່ນພື້ນຖານໃນນະໂຍບາຍພົວພັນຕ່າງປະເທດຂອງຕົນ, ພ້ອມທັງສະແດງຄວາມຢຶດໝັ້ນຕໍ່ການແກ້ໄຂບັນຫາ ສປປ.ເກົາຫຼີ ລອບຈັບຕົວພົນລະເມືອງ ຍີ່ປຸ່ນ ໃນຊຸມປີ 1970 ແລະ 1980. ວັນທີ 16 ກັນຍາ, ທໍານຽບຂ່າວ ກໍຖະແຫຼງວ່າ ທ່ານປະທານາທິບໍດີ ອາເມລິກາ Donald Trump ພ້ອມແລ້ວທີ່ຈະເຮັດວຽກກັບທ່ານນາຍົກລັດຖະມົນຕີຄົນໃໝ່ ຍີ່ປຸ່ນ Yoshihide Suga ເພື່ອແນໃສ່ຊຸກຍູ້ການພົວພັນລະຫວ່າງສອງຝ່າຍໃຫ້ໝັ້ນຄົງເຂັ້ມແຂງ.

        ສອງປະເທດບ້ານໃກ້ເຮືອນຄຽງຂອງ ຍີ່ປຸ່ນ ແມ່ນ ຈີນ ແລະ ສ.ເກົາຫຼີ, ໃນວັນທີ 16 ກັນຍາ ກໍສະແດງຄວາມປິຕິຊົມຊື່ນ ແລະ ຈະພ້ອມກັນມານະພະຍາຍາມປັບປຸງສາຍພົວພັນກັບ ໂຕກຽວ ໃຫ້ດີກວ່າອີກ ພາຍຫຼັງທ່ານ Suga Yoshihide ກາຍເປັນ ນາຍົກລັດຖະມົນຕີ.

        ທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ ກໍ່ສົ່ງສານອວຍພອນ ແລະ ສະແດງຄວາມປາດຖະໜາຢາກຮັກສາສາຍພົວພັນຄູ່ຮ່ວມມືເປີດ, ກວ້າງຂວາງ ແລະ ຍືນຍົງໃນຫຼາຍປີຜ່ານມາກັບ ຍີ່ປຸ່ນ.