(VOVWORLD) -ທ່ານນາຍົກລັດຖະມົນຕີຫວຽດນາມ ຫງວຽນຊັວນຝຸກ ຫາກໍ່ມີຈົດໝາຍຍ້ອງຍໍແຂວງເບັນແຈ ທີ່ໄດ້ສົມທົບກັບປະຕູຖານຂໍ້ມູນເອເລກໂຕນິກລັດຖະບານ ແລະ ບັນດາອົງການທີ່ກ່ຽວຂ້ອງ ໄດ້ຈັດພິທີປຸກລະດົມການປູກຕົ້ນໄມຂຽວ 10 ລ້ານຕົ້ນສຳເລັດ ໃນບໍລິເວັນແຂວງເບັນແຈ.
 (ພາບ:TTXVN) |
ໃນຈົດໝາຍ, ທ່ານນາຍົກລັດຖະມົນຕີຫວຽດນາມ ຫງວຽນຊັວນຝຸກ ໄດ້ຍ້ອງຍໍຊົມເຊີຍແຂວງເບັນແຈ ກາຍເປັນທອ້ງຖິ່ນທຳອິດໃນທົ່ວປະເທດ ໄດ້ປຸກລະດົມໂຄງການຕອບສະໜອງ, ປະກອບສ່ວນຫັນຂໍ້ລິເລີ່ມປູກຕົ້ນໄມ້ຂຽວ 1 ຕື້ຕົ້ນໃນເວລາ 5 ປີທີ່ຈະມາເຖິງຂອງທ່ານນາຍົກລັດຖະມົນຕີ ໃຫ້ປະກົດຜົນເປັນຈິງ, ຜັນຂະຫຍາຍວັນບຸນປູກຕົ້ນໄມ້ຢ່າງແທ້ຈິງ ຕາມຄຳສັ່ງສອນຂອງປະທານໂຮຈີມິນ, ຖືກຖືວ່າແມ່ນຂະບວນການ “ລຸກຮຶ້ຂຶ້ນໃໝ່” ໃນການປູກ ແລະ ຮັກສາຕົ້ນໄມ້ຂຽວ, ຮັກສາສິ່ງແວດລ້ອມ.
ທ່ານນາຍົກລັດຖະມົນຕີຫວຽດນາມ ຫງວຽນຊັວນຝຸກ ປາດຖະໜາວ່າ ບັນດາທ້ອງຖິ່ນ, ອົງການຈັດຕັ້ງ ແລະ ປະຊາຊົນທົ່ວປະເທດ ຈະສືບຕໍ່ມີຫຼາຍວິທີເຮັດທີ່ມີຫົວຄິດປະດິດສ້າງ, ມີປະສິດທິຜົນ, ລະດົມໄດ້ຫຼາຍແຫຼ່ງກຳລັງໃນການປູກຕົ້ນໄມ້, ປູກປ່າ ແລະ ປົກປັກຮັກສາທຳມະຊາດ