ທ່ານນາຍົກລັດຖະມົນຕີ ຫງວຽນຊວັນຟຸກ ເປັນປະທານກອງປະຊຸມ (ພາບ: chinhphu.vn)

ຕອນເຊົ້າວັນທີ 16 ກໍລະກົດ, ຢູ່ນະຄອນເກີນເທີ ຂອງຫວຽດນາມ ທ່ານ ນາຍົກລັດຖະມົນຕີຫວຽດນາມ ຫງວຽນຊວັນຟຸກ, ຫົວໜ້າອະນຸກໍາມະການເສດຖະກິດ-ສັງຄົມ ກະກຽມໃຫ້ແກ່ກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກ, ໄດ້ເປັນປະທານການເຮັດວຽກລະຫວ່າງ  ອະນຸກໍາມະການ ກັບບັນດາທ້ອງຖິ່ນເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ ແລະ ນະຄອນໂຮ່ຈີມິນ. ກ່າວຄໍາເຫັນນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໃຫ້ຮູ້ວ່່າ:

        “ນີ້ແມ່ນການປຶກສາຫາລືໂດຍກົງລະຫວ່າງການນໍາບັນດາແຂວງເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ ກັບ ຜູ້ນໍາບັນດາຂົງເຂດ, ຂະແໜງການ ກໍຄື ອະນຸກໍາມະການ. ເພາະສະນັ້ນ, ຂ້າພະເຈົ້າສະເໜີໃຫ້ບັນດາທ້ອງຖິ່ນ ຈົ່ງຍົກອອກບັນດາບັນຫາທີ່ພົ້ນເດັ່ນທີ່ສຸດ ກ່ຽວກັບໝາກຜົນທີ່ບັນລຸໄດ້, ຂໍ້ຄົງຄ້າງ, ຂໍ້ຈໍາກັດ, ໂດຍສະເພາະແມ່ນບັນດາບົດຮຽນປະສົບການທີ່ບັນລຸໄດ້ໃນໄລຍະ 5 ປີີ, 10 ປີ ຜ່ານມາ. ພິເສດ ແມ່ນວິທີໝູນໃຊ້ຮູບແບບໃໝ່ປະດິດຄິດສ້າງຢ່າງສໍາເລັດຜົນ ແລະ ມີປະສິດທິຜົນ ກໍຄືບັນດາຂໍ້ຕິດຂັດ, ຮົ້ວກີດຂວາງທີ່ຕ້ອງແກ້ໄຂ. ນອກຈາກນັ້ນ, ບໍ່ພຽງແຕ່ສະເໜີທິດທາງ, ໜ້າທີ່ ໃນໄລຍະ 2025 – 2030 ເທົ່ານັ້ນ ຫາກຍັງຕ້ອງສະເໜີວິໄສທັດຮອດປີ 2045 ອີກດ້ວຍ. ສ້າງສາຍສໍາພັນລະຫວ່່າງບັນດາທ້ອງຖິ່ນໃນເຂດ ກັບນະຄອນ ໂຮ່ຈີມິນ ແລະ ທັງປະເທດ ເພື່ອຮັບປະກັນການພັດທະນາເສດຖະກິດແບບຍືນຍົງ, ຮັບປະກັນຄວາມສະຫງົບ, ປອດໄພ”.

        ບົນພື້ນຖານຄໍາເຫັນປະກອບຈາກທ້ອງຖິ່ນຕ່າງໆ, ທ່ານນາຍົກລັດຖະມົນຕີ ຊີ້ນໍາການນໍາບັນດາກະຊວງ, ຂະແໜງການຮັບຟັງ, ຕອບ ແລະ ເຮັດແຈ້ງທິດການກໍານົດທິດພັດທະນາຂອງ 13 ແຂວງເຂດທົ່ງພຽງແມ່່ນໍ້າຂອງທາງພາກໃຕ້ຫວຽດນາມ ໃນໄລຍະ 5 ປີ, 10 ປີ ແລະ ວິໄສທັດຮອດປີ 2045./.