ລັດຖະບານຫວຽດນາມ ຍາມໃດກໍ່ສະໜັບສະໜູນ, ສ້າງເງື່ອນໄຂສະດວກໃຫ້ບັນດານັກລົງທຶນຕ່າງປະເທດ, ໃນນັ້ນມີ Samsung, ທຳມາຫາກິນດຳເນີນທຸລະກິດຢູ່ຫວຽດນາມ. ທ່ານນາຍົກລັດຖະມົນຕີສະເໜີວ່າ, ກຸ່ມບໍລິສັດສືບຕໍ່ໜູນຊ່ວຍຢ່າງແທດຈິງກ່ຽວກັບການບຳລຸງສ້າງ ແລະ ຖ່າຍຖອດເຕັກໂນໂລຊີ ເພື່ອສ້າງເງື່ອນໄຂໃຫ້ບັນດາວິສາຫະກິດອຸດສາຫະກຳສຳຮອງຂອງຫວຽດນາມ, ພິເສດແມ່ນບັນດາວິສາຫະກິດຂະໜາດກາງ ແລະ ນ້ອຍມີກາລະໂອກາດຮ່ວມມືໃນການເຂົ້າຮ່ວມສະໜອງວັດຖຸອຸປະກອນ, ເຄື່ອງອາໄຫຼ່ໃຫ້ບັນດາໂຄງການຂອງ Samsung.

        ສ່ວນທ່ານ Shin Jong Kyun ໃຫ້ຮູ້ວ່າ, Samsung ເອົາໃຈໃສ່ເປັນພິເສດເຖິງການເປີດກວ້າງການລົງທຶນເຂົ້າຂົງເຂດໂທລະຄົມຢູ່ຫວຽດນາມ. Samsung ມີແຜນເພີ່ມຈຳນວນວິສາຫະກິດຫວຽດນາມ ເຂົ້າຮ່ວມລະບົບຜະລິດຂອງກຸ່ມບໍລິສັດ ດ້ວຍ 29 ວິສາຫະກິດ ໃນທ້າຍປີ 2017 ນີ້. ພາຍຫຼັງໄລຍະ 3 ປີ, ຈຳນວນວິສາຫະກິດດັ່ງກ່າວຈະເພີ່ມຂຶ້ນເຖິງ 50 ແຫ່ງ.