ທີ່ການຕ້ອນຮັບ, ທ່ານນາຍົກລັດຖະມົນຕີ ໃຫ້ຮູ້ວ່າ: ຫວຽດນາມ ໄດ້ປະຕິບັດຫລາຍວຽກງານເພື່ອຮັບໃຊ້ໃຫ້ລາຍການພົບປະແລກປ່ຽນທະຫານປ້ອງກັນຊາຍແດນ ຫວຽດນາມ - ຈີນ ຄັ້ງທີ 4 ນີ້. ທ່ານນາຍົກລັດຖະມົນຕີ ຢືນຢັນວ່າ ໃນໄລຍະຜ່ານມາກອງທັບສອງປະເທດ ໄດ້ຄຸ້ມຄອງ, ຮັກສາສັນຕິພາບ, ສະຖຽນລະພາບ, ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດເຂດຊາຍແດນທາງບົກ. ທະຫານເຮືອ ແລະ ຕຳຫລວດທະເລສອງປະເທດ ໄດ້ໄປມາຢ້ຽມຢາມເຊິ່ງກັນ ແລະກັນ, ຝືກຊ້ອມຮ່ວມໃນການຊອກຫາກູ້ໄພກູ້ຊີບ ແລະ ລາດຕະເວນປະສົມຢູ່ເຂດອ່າວພາກເຫນືອ. ທ່ານນາຍົກລັດຖະມົນຕີ ສະເຫນີ ສອງຝ່າຍມານະພະຍາຍາມສ້າງທະເລຕາເວັນອອກແຫ່ງສັນຕິພາບ, ມິດຕະພາບ, ປະຕິບັດຖະແຫລງແຫ່ງການການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງມີປະສິດທິຜົນ ແລະ ມຸ່ງໄປເຖິງການສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໂດຍໄວ.

ສ່ວນທ່ານ ຟ່ານແຈ໋ງຫຼົງ ຮອງປະທານຄະນະພັກການທະຫານສູນກາງຈີນ ຖືວ່າ ໃນຊຸມປີມໍ່ໆມານີ້ ພາຍໃຕ້ການຊີ້ນຳຂອງສອງພັກ, ການພົວພັນລະຫວ່າງກອງທັບສອງປະເທດພັດທະນາອັນດີງາມ, ສອງປະເທດໄດ້ແລກປ່ຽນການຢ້ຽມຢາມຂັ້ນສູງເປັນປະຈຳ, ບັນດາຂົງເຂດຮ່ວມມືກໍ່ພັດທະນາຢ່າງແຮງ. ທ່ານ ຟ່ານແຈ໋ງຫຼົງ ຮອງປະທານຄະນະພັກການທະຫານສູນກາງ ກໍ່ສະເຫນີ ສອງຝ່າຍ ພ້ອມກັນຊຸກຍູ້ສ້າງ COC ສຳເລັດໂດຍໄວ.

ໃນວັນດຽວກັນ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູຈ້ອງ ແລະ ປະທານປະເທດ ເຈີນດ້າຍກວາງ ກໍ່ໄດ້ຕ້ອນຮັບ ພົນໂທ ຟ່ານແຈ໋ງຫຼົງ ກຳມະການກົມການເມືອງ, ຮອງປະທານຄະນະພັກການທະຫານສູນກາງ ຈີນ.