ທ່ານນາຍົກລັດຖະມົນຕີຫງວຽນຊວນຟຸກພົບປະສັງສັນກັບປັນຍາຊົນເປັນຊາວຫວຽດນາມອາໄສຢູ່ຕ່າງປະເທດ
ທ່ານນາຍົກລັດຖະມົນຕີຫງວຽນຊວນຟຸກພົບປະສັງສັນ
ກັບປັນຍາຊົນເປັນຊາວຫວຽດນາມອາໄສຢູ່ຕ່າງປະເທດ
(vovworld) - ຕອນບ່າຍວັນທີ 12/11 ເນື່ອງໃນໂອກາດເຂົ້າຮ່ວມກອງປະຊຸມຊາວ ຫວຽດນາມ ອາໄສຢູ່ຕ່າງປະເທດ ທີ່ພວມດຳເນີນຢູ່ນະຄອນ ໂຮ່ຈີມິນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ຟ້າມບີງມິງ ໄດ້ພົບປະບັນດານັກຊ່ຽວຊານ, ປັນຍາຊົນ ແລະ ນັກທຸລະກິດ ຫວຽດນາມ ອາໄສຢູ່ຕ່າງປະເທດ. ການພົບປະສັງສັນແມ່ນເວທີປາໄສເປີດ ເພື່ອໃຫ້ບັນດານັກຊ່ຽວຊານ, ນັກຄົ້ນຄວ້າແລກປ່ຽນ, ສະເໜີບັນດາແນວຄວາມຄິດ, ປະກອບສ່ວນເຂົ້າໃນຫລາຍຂົງເຂດທີ່ກ່ຽວຂ້ອງເຖິງວິວັດການພັດທະນາປະເທດຊາດໃນໄລຍະປະຈຸບັນ. ທ່ານນາຍົກລັດຖະມົນຕີ ຫງວຽນຊວນຟຸກ ສະແດງຄວາມຂອບອົກຂອບໃຈບັນດາຄຳເຫັນຢ່າງສຸດຈິດສຸດໃຈ, ຂໍ້ລິເລີ່ມທີ່ ຂອງບັນດານັກຊ່ຽວຊານ, ປັນຍາຊົນເປັນຊາວ ຫວຽດນາມ ອາໄສຢູ່ຕ່າງປະເທດ. ທ່ານນາຍົກລັດຖະມົນຕີ ໃຫ້ຮູ້ວ່າ:
“ຂ້າພະເຈົ້າຕື້ນຕັນໃຈທີ່ສຸດ ເພື່ອໄດ້ຮັບຟັງບັນດາເລື່ອງລາວກ່ຽວກັບການດຳເນີນອາຊີບຢູ່ ຫວຽດນາມ ຂອງພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດພວກເຮົາ. ພະເສດແມ່ນເລື່ອງລາວຂອງ ປອ ຫງວຽນແທງໝີ, ປະທານສະມາຄົມນັກທຸລະກິດ ຫວຽດນາມ ອາໄສຢູ່ຕ່າງປະເທດ, ເຖິງວ່າ ອາຍຸສູງກ່ວາ 60 ປີ ແລ້ກໍ່ຕາມ ແຕ່ທ່ານຍັງກັບເມືອ ຫວຽດນາມ ເພື່ອດຳເນີນອາຊີບອີກຄັ້ງໜຶ່ງ. ຂ້າພະເຈົ້າເຂົ້າໃຈວ່າ ພາຍຫລັງແນວຄວາມຄິດດຳເນີນທຸລະກິດນັ້ນ ແມ່ນນ້ຳໃຈຕໍ່ບ້ານເກີດເມືອງນອນ, ຕໍ່ປະເທດຊາດ. ປະເທດນີ້ ຍາມໃດກໍ່ຮັບຕ້ອນບັນດາລູດຫຼານຂອງຊາດ ຫວຽດນາມ ກັບເມືອ ເພື່ອນຳເອົານ້ຳໃຈ, ແນວຄວາມຄິດ, ແຫຼ່ງກຳລັງ ມາປະກອບສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ”.
ທ່ານນາຍົກລັດຖະມົນຕີ ຢືນຢັນວ່າ: ຈະຮັບເອົາບັນດາຄວາມຄິດຄວາມເຫັນທັງໝົດ ແລະ ມອບໃຫ້ກະຊວງການຕ່າງປະເທດ ພ້ອມກັບບັນດາກະຊວງ, ຂະແໜງການ, ທ້ອງຖິ່ນ ເປີດຫລາຍເວທີປາໄສທີ່ສະດວກກ່ວາອີກ ເພື່ອໃຫ້ບັນດາ ປັນຍາຊົນເປັນຊາວ ຫວຽດນາມ ອາໄສຢູ່ຕ່າງປະເທດ ສືບຕໍ່ປະກອບສ່ວນພູມປັນຍາ, ກຳລັງເຫື່ອແຮງ ເພື່ອຈຸດໝາຍສ້າງບ້ານເກີດເມືອງນອນ, ປະເທດຊາດໃຫ້ນັບມື້ນັບຮັ່ງມີສວຍງາມ.