ດ້ວຍເສດຖະກິດເຕີບໂຕຢ່າງວ່ອງໄວ, ມີຄວາມສະຖຽນລະພາບດ້ານມະຫາພາກ, ສະພາບແວດລ້ອມແຫ່ງການລົງທຶນດຳເນີນທຸລະກິດພວມໄດ້ຮັບການປັບປຸງນັບມື້ນັບສະດວກຈາກລັດຖະບານ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ ເຢຍລະມັນແມ່ນຫນຶ່ງໃນບັນດາຄູ່ຮ່ວມມືບຸລິມະສິດຂອງຫວຽດນາມ. ທ່ານນາຍົກລັດຖະມົນຕີ ຫງວຽນຊວນຟຸກສະເຫນີບັນດານັກລົງທຶນເຢຍລະມັນຈົ່ງລົງທຶນຢູ່ຫວຽດນາມ ຢ່າງແຮງກວ່າ ພິເສດແມ່ນຂົງເຂດປະຢັດພະລັງງານ. ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ລັດຖະບານຫວຽດນາມ ສົ່ງເສີມການລົງທຶນຂອງພາກເອກະຊົນກໍຄືການລົງທຶນຕ່າງປະເທດກ່ຽວກັບຂົງເຂດການເງິນສາທາລະນະສຸກ ຄື: ປະກັນສຸຂະພາບ, ອຸປະກອນການແພດ, ການຢາ, ການກໍ່ສ້າງພື້ນຖານໂຄງລ່າງເບິ່ງແຍງສຸຂະພາບກໍ່ຄືບັນດາໂຮງໝໍ ນັບທັງສົ່ງເສີມການຮູບການຮ່ວມມືລົງທຶນ ພາກລັດ ເອກະຊົນ. ລັດຖະບານຫວຽດນາມ ໃຫ້ຄຳໝັ້ນສັນຍາສ້າງທຸກເງື່ອນໄຂ, ເອົາໃຈໃສ່ເຖິງຄວາມມຸ້ງມາດປາດຖະຫນາອັນຊອບທຳຂອງນັກລົງທຶນ, ຖືໄຊຊະນະຂອງບັນດານັກລົງທຶນແມ່ນໄຊຊະນະຂອງຫວຽດນາມ.