ທ່ານນາຍົກລັດຖະມົນຕີຫງວຽນເຕິ໋ນຢຸງສິນສຸດການຢ້ຽມຢາມມາເລເຊຍຢ່າງເປັນທາງການ
(ພາບປະກອບ)
(vovworld) - ຕອນບ່າຍວັນທີ 8/8, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ແລະ ພັນລະຍາ, ພ້ອມກັບຄະນະຜູ້ແທນຂັ້ນສູງລັດຖະບານຫວຽດນາມ ໄດ້ເດີນທາງອອກຈາກນະຄອນຫຼວງກົວລາລຳເປີ, ສິ້ນສຸດການຢ້ຽມຢາມມາເລເຊຍ ຢ່າງເປັນທາງການ. ກ່ອນຈະອອກຈາກກົວລາລຳເປີ, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ແລະ ພັນລະຍາ, ພ້ອມກັບຄະນະຜູ້ແທນຂັ້ນສູງລັດຖະບານຫວຽດນາມ ໄດ້ພົບປະໂອ້ລົມກັບພະນັກງານ, ພາລະກອນສະຖານທູດຫວຽດນາມ ແລະ ປະຊາຄົມຊາວຫວຽດນາມຢູ່ມາເລເຊຍ. ທ່ານໄດ້ແຈ້ງໃຫ້ຮູ້ວ່າ, ລັດຖະບານສອງປະເທດຫາກໍ່ປະກາດສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ - ມາເລເຊຍ ແລະ ຮຽກຮ້ອງທ່ານເອກອັກຄະລັດຖະທູດ, ພະນັກງານ, ພາລະກອນສະຖານທູດຫວຽດນາມສືບຕໍ່ຕັ້ງໜ້າຜັນຂະຫຍາຍບັນດາໂຄງການຮ່ວມມືສອງຝ່າຍໃນທຸກຂົງເຂດ, ເພື່ອເຮັດໃຫ້ການພົວພັນຄູ່ຮ່ວມມືຍຸດທະສາດປະກົດຜົນເປັນຈິງ. ທ່ານນາຍົກລັດຖະມົນຕີ ຫວັງວ່າປະຊາຄົມຊາວຫວຽດນາມ ຢູ່ມາເລເຊຍ ສືບຕໍ່ເສີມຂະຫຍາຍຄວາມສາມັກຄີ, ສະໜັບສະໜູນຊ່ວຍເຫຼືອເຊິ່ງກັນ ແລະ ກັນ, ສ້າງປະຊາຄົມອາຊຽນໃຫ້ພັດທະນາຢ່າງໝັ້ນຄົງ, ປະກອບສ່ວນຕັ້ງໜ້າໃຫ້ແກ່ການພັດທະນາປະເທດມາເລເຊຍ, ກໍ່ຄືເພີ່ມທະວີ ແລະ ປັບປຸງສາຍພົວພັນອັນດີງາມລະຫວ່າງຫວຽດນາມ - ມາເລເຊຍ.