(VOVWORLD) -ຕອນບ່າຍວັນທີ 16 ກຸມພາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໃຫ້ການຕ້ອນຮັບທ່ານ ຣຸ່ງໂຣດ ຣັງສີໂຍພາບ ປະທານ ທັງເປັນຜູ້ອຳນວຍການຝ່າຍບໍລິຫານກຸ່ມບໍລິສັດ SCG (ໄທ) ແລະ ທ່ານນາງ ສົມຫະໄທ ພານິດຈີວະ ຜູ້ອຳນວຍການຝ່າຍບໍລິຫານ Amata ຫວຽດນາມ.
 ການຕ້ອນຮັບ |
ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ SCG ສຸມໃສ່ ແລະ ສົມທົບກັບບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຂອງ ຫວຽດນາມ ຢ່າງແໜ້ນແຟ້ນ ເພື່ອໃຫ້ໂຄງການດັ່ງກ່າວໄດ້ນຳເຂົ້າເຄື່ອນໄຫວຖືກຕາມແຜນການທີ່ໄດ້ວາງອອກ, ຮັບປະກັນຄວາມປອດໄພ ແລະ ມີປະສິດທິຜົນ; ມຸ່ງໄປເຖິງການປ່ຽນແທນ ແລະ ຫຼຸດຜ່ອນການນ້ຳເຂົ້າຜະລິດຕະພັນປີໂຕເຄມີ, ສະໜອງແຫຼ່ງເຊື້ອເພີງສຳຄັນແກ່ຂະແໜງອຸດສາຫະກຳຜະລິດພາຍໃນປະເທດ, ສ້າງໂອກາດສົ່ງອອກໃຫ້ແກ່ຜະລິດຕະພັນ ປີໂຕເຄມີ.
ທ່ານນາຍົກລັດຖະມົນຕີ ກໍສະເໜີໃຫ້ SCG ນຳໃຊ້ເຕັກໂນໂລຢີທີ່ທັນສະໄໝທີ່ສຸດ, ເຕັກໂນໂລຢີຂຽວ, ເຕັກໂນໂລຢີສະອາດເພື່ອຮັບໃຊ້ໂຄງການນີ້, ພ້ອມທັງໜູນຊ່ວຍ ຫວຽດນາມ ຍົກສູງກຳລັງຄວາມສາມາດຄຸ້ມຄອງບໍລິຫານ, ດຶງດູດບັນດາແຫຼ່ງການເງິນສີຂຽວ; ສະເໜີໃຫ້ Amata ພິຈາລະນາຄວາມເປັນໄປໄດ້ໃນການສັບຊ້ອນແຫຼ່ງກຳລັງເພື່ອເປີດກວ້າງການລົງທຶນຢູ່ບັນດາເຂດອຸດສາຫະກຳ ກຳນົດທິດເຕັກໂນໂລຢີສູງຢູ່ ຫວຽດນາມ.
ການນຳ SCG ແລະ Amata ກໍແຈ້ງໃຫ້ຊາບກ່ຽວກັບຄວາມຄືບໜ້າໃນການຜັນຂະຫຍາຍໂຄງການກຸ່ມປີໂຕເຄມີພາກໃຕ້ - ເຊິ່ງມີເງິນລົງທຶນທັງໝົດ 5,16 ຕື້ USD, ເປັນໂຄງການໃຫຍ່ທີ່ສຸດໃນປະຫວັດສາດຂອງ SCG ເຊິ່ງຄາດວ່າຈະສືບຕໍ່ລົງທຶນໃນໄລຍະທີ 2 ດ້ວຍເຕັກໂນໂລຢີທີ່ທັນສະໄໝ ຕາມທິດສີຂຽວ, ໝູນວຽນ ແລະ ຍົກອອກບາງຂໍ້ສະເໜີແນະທີ່ກ່ຽວຂ້ອງເຖິງການຜັນຂະຫຍາຍໂຄງການຕ່າງໆຢູ່ ຫວຽດນາມ.