(ພາບ: VGP/Quang Hiếu)

   ຕອນບ່າຍວັນທີ 7 ມີນາ, ຢູ່ນະຄອນຫາຍຟອງ, ທ່ານນາຍົກລັດຖະມົນຕີຫວຽດນາມ ຫງວຽນຊັວນຝຸກ ພົບປະກັບຜູ້ມີສິດເລືອກຕັ້ງນະຄອນ. ນະທີ່ນີ້, ທ່ານນາຍົກລັດຖະມົນຕີ ຫງວຽນຊັວນຝຸກ ຕີລາຄາວ່າ: ການພັດທະນາຂອງນະຄອນຫາຍຟອງ ໃນ 5 ປີຜ່ານມາແມ່ນດີທີ່ສຸດ ແລະ ຮອບດ້ານ.ຂອບຂະໜາດເສດຖະກິດຂອງນະຄອນ ຈາກລະດັບປະກອບສ່ວນ 3,5% ທົ່ວປະເທດໃນຕົ້ນອາຍຸການ ໄດ້ເພີ່ມຂຶ້ນເປັນ 5,3% ໃນທ້າຍອາຍຸການ. ການເຕີບໂຕເສດຖະກິດໃນທ້າຍອາຍຸການ ໄດ້ເພີ່ມຂຶ້ນທົບເກືອບ 2 ເທົ່າເມື່ອທຽບໃສ່ຕົ້ນອາຍຸການ.ເສດຖະກິດພັດທະນາ ແລະ ຊີວິດຂອງປະຊາຊົນຢູ່ທຸກເຂດລ້ວນແຕ່ໄດ້ຍົກສູງຂຶ້ນ. ກ່ຽວກັບການກຳນົດທິດພັດທະນາຂອງຫາຍຟອງ ໃນໄລຍະຈະມາເຖິງ, ທ່ານນາຍົກລັດຖະມົນຕີ ຖືວ່າ, ທາງນະຄອນຕ້ອງພັດທະນາຢ່າງແຮງໃນ 3 ເສົາຄ້ຳເສດຖະກິດ: ເສດຖະກິດທະເລ, ອຸດສາຫະກຳເຕັກໂນໂລຊີສູງ ແລະ ການທ່ອງທ່ຽວ. ເພື່ອເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບ, ສ້າງນະຄອນຫາຍຟອງ ເປັນນະຄອນທ່າກຳປັ່ນທີ່ສຳຄັນ, ແມ່ນຈຸດນັດພົບຂອງບັນດາກຸ່ມບໍລິສັດນາໆຊາດ ແລະ ສູນທ່ອງທ່ຽວຄຸນນະພາບສູງລະດັບສາກົນ. ຫາຍຟອງ ກໍ່ຕ້ອງສູ້ຊົນກາຍເປັນສູນການສຶກສາ-ບຳລຸງສ້າງ, ສູນການແພດຂອງເຂດແຄມທະເລທາງພາກເໜືອ, ແມ່ນຕົວເມືອງອັດສະລິຍະ, ທັນສະໄໝ, ໜ້າຢູ່ ແລະ ແມ່ນນະຄອນແບບຢ່າງຂອງຫວຽດນາມ.