ທ່ານ ຫງວຽນຊວນຟຸກ ທີ່ກອງປະຊຸມ

(vovworld)- ໃນ​ຕອນ​ເຊົ້າ​ ວັນ​ທີ 5/8, ທ່ານ ນາ​ຍົ​ກ​ລັດ​ຖະ​ມົ​ນ​ຕີ​ຫວຽດ​ນາມ​ ຫງວຽນ​ຊວນ​ຟຸກ ແລະ ທ່ານ ຮອງ​ນາ​ຍົກ​ລັດ​ຖະ​ມົນ​ຕີຫວຽດ​ນາມ ຫວູ​ດຶກ​ດາມ ​ໄດ້ເປັນ​ປະ​ທານ​ຮ່ວມກອງ​ປະ​ຊຸມ​​ຜ່ານເຄືອ​ຄ່າຍ​ອີນ​ເຕີ​ເນັດ​ທົວ​ປະ​ເທດ​ສະຫຼຸບ​ສົກ​ຮຽນ 2015-2016 ແລະ ຜັນ​ຂະ​ຫຍາຍ ສົກ​ຮຽນ 2016-2017. ກ​ອງ​ປະ​ຊຸມ​ໄດ້​ຕີ​ລາ​ຄາ​ໂດຍ​ສັງ​ເຂບ​ບັນ​ດາ​ໝາກ​ຜົນ, ຂໍ້​ຈຳ​ກັດ​ຂອງວຽກ​ງານ​ສິດ​ສອນ ແລະ ຮ່ຳ​ຮຽນ​ ໃນ​ທົ່ວ​ປະ​ເທດ; ຊີ້​ໃຫ້​ເຫັນ​ແຈ້ງ​ບັນ​ດາ​ຂໍ້​ຄົງ​ຄ້າງ, ຂໍ້​ຈຳ​ກັດ ແລະ ກຳ​ນົດ​ບັນ​ດາ​ມາດ​ຕະ​ການ​ທີ່​ສຳ​ຄັນ ແນ​ໃສ່​ປ່ຽນ​ໃໝ່​ຄຸນ​ນະ​ພາບ​ການ​ສຶກ​ສາ ແລະ ບຳ​ລຸງ​ສ້າງ, ​ໜ້າ​ທີ່​ຮັບ​ຖື​ວ່າ​ເປັນ​ໜຶ່ງ​ ໃນ​ບັນ​ດາ​ໜ້າ​ທີ່​ແຖວ​ໜ້າ ​ໃນ​ການ​ພັດ​ທະ​ນາ​ປະ​ເທດ​ຊາດ.

        ກ່າວ​ຄວາມ​ເຫັນ​ທີ່ກອງ​ປະ​ຊຸ​ມ, ທ່ານ ນາ​ຍົ​ກ​ລັດ​ຖະ​ມົ​ນ​ຕີ​ ຫງວຽນ​ຊວນ​ຟຸກຢືນ​ຢັນ​ວ່າ​: ໃນຊຸມ​ປີ​ຜ່ານ​ມາ, ພັກ ແລະ ລັດ ຍາມ​ໃດ​ກໍ່​ຖື​ເປັນ​ສຳ​ຄັນ ​ວຽກ​ງານ​ພັດ​ທະ​ນາ​ມະ​ນຸດ; ຖື​ການ​ພັດ​ທະ​ນາໄວ​ທາງ​ດ້ານ​ຊັບ​ພະ​ຍາ​ກອນ​ມະ​ນຸດ, ເປັນ​ຕົ້ນ​ແມ່ນ​ຊັບ​ພະ​ຍາ​ກອນ​ມະ​ນຸດ​ທີ່​ມີ​ຄຸນ​ນະ​ພາບ​ສູງ​ ເປັນຂອດ​ບຸກ​ທະ​ລຸ ເພື່ອ​ພັດ​ທະ​ນາ​ໄວ, ຍືນ​ຍົງ. ທ່ານ ນາ​ຍົກ​ລັດະ​ມົນ​ຕີ ​ສະ​ເໜີ​ສົກ​​ຮຽນ​ 2016-2017, ທົ່ວ​ຂະ​ແໜງ​ການ​ສຶກ​ສາບຳ​ລຸ​ງ້​ສາງ ຈຳ​ເປັນ​ຕ້ອງ​ສຸມ​ໃສ່​ການ​ຜັນ​ຂະ​ຫຍາຍ​ຢ່າງ ກວ້າງ​ເລິກ ບັນ​ດາ​ໜ້າ​ທີ່​ຂອງ​ຂະ​ແໜງ; ກວດ​ກາ​ຄືນ​ບັນ​ດາ​ເອ​ກະ​ສານ​ນິ​ຕິ​ກຳ ທີ່​ຍັງ​ຄົງ​ຄ້າງ, ບໍ່​ສອດ​ຄ່ອງ ເພື່ອໃຫ້​ສົມ​ບູນ; ສ້າງ​ບັນ​ດາ​ແຜນ​ຮ່າງ, ໂຄງ​ການ ແນ​ໃສ່​ຍົກ​ສູງ​ຄວາມ​ສາ​ມາດຊີ້​ນຳ, ​ນຳພາ, ບໍ​ລິ​ຫານ ແລະ ພັດ​ທະ​ນາ​ຖັນ​ແຖວພະ​ນັກ​ງານ​ຂອງ​ທົ່ວ​ລະ​ບົບ; ຍູ້​ແຮງ​ການ​ນຳ​ໃຊ້​ເຕັກ​ໂນ​ໂລ​ຢີ​ຂໍ້​ມູນ​ຂ່າວ​ສານ​ ໃນ​ການ​ສິດ​ສອນ, ຮ່ຳ​ຮຽນ ແລະ ຄຸ້ມ​ຄອງ​ການ​ສຶກ​ສາ; ເພີ່ມ​ທະ​ວີ​ການ​ເຊື່ອມ​ໂຍງ​ເຂົ້າກັບ​ສາ​ກົນ.