(vovworld) – ​​​ ຕອນ​ເຊົ້າ​ວັນ​ທີ 2/6, ທ່ານ​ນາຍົກລັດຖະມົນຕີຫວຽດນາມຫງວຽນ​ເຕີ້ນ​ຢູງ ​ແລະ ທ່ານ​ນາຍົກລັດຖະມົນຕີອານ​ເຊຣີ Abdelmalek Sellal ​ໄດ້​ລົງ​ຢ້ຽມຢາມ​ບໍລິສັດ ນ້ຳມັນ​ອາຍ​ແກັສ​ແຫ່ງ​ຊາດ ອານ​ເຊຣີ (Sonatrach) - ​​ຊຶ່ງເປັນ​ຄູ່​ຮ່ວມ​ມື​ຂອງ​ກຸ່ມ​ບໍລິສັດ ນ້ຳມັນ​ອາຍ​ແກັສ​ແຫ່ງ​ຊາດ​ຫວຽດນາມ ​ໃນ​ການ​ຮ່ວມ​ທຸລະ​ກິດຂຸດ​ຄົ້ນ​​ນ້ຳມັນຢູ່ບໍ່​ນ້ຳມັນ Bir Sebaar ​ແລະ MOM ຢູ່ທະ​ເລ​ຊາຍ Sahara ຂອງ ອານ​ເຊຣີ. ກ່າວ​ຄຳ​ເຫັນ​ທີ່​ພິທີ​ປະກາດ​ການ​ຂຸດ​ຄົ້ນ​​ນ້ຳ​ມັນ​ການ​ຄ້າ​ທຳ​ອິດ​ຢູ່​ບໍ່ Bir Sebaar ​ແລະ MOM, ທ່ານ​ນາຍົກລັດຖະມົນຕີຫງວຽນ​ເຕີ້ນ​ຢູງ ຢັ້ງຢືນ​ວ່າ: ການ​ຮ່ວມ​ທຸລະ​ກິດ PVEP – Sonatrach – PTTEP ທີ່ຂຸດ​ຄົ້ນ​ນ້ຳມັນ​ການ​ຄ້າ​ທຳ​ອິດ​ຢ່າງ​ເປັນ​ທາງ​ການ ຈະ​ນຳ​ມາ​​ເຊິ່ງຜົນ​ປະ​ໂຫຍ​ດ​ໃຫ້ 2 ວິ​ສາ​ຫະກິດນ້ຳມັນ​ອາຍ​ແກັສກໍ່​ຄື 2 ປະ​ເທດ. ທ່ານ​ນາຍົກລັດຖະມົນຕີ ຫງວຽນ​ເຕີ້ນ​ຢູງ ​ເນັ້ນ​ໜັກ​ວ່າ: ນີ້​ແມ່ນ​ສັນຍາ​ລັກ​​ແຫ່ງການ​ຮ່ວມ​ມືຢ່າງ​ສຳ​ເລັດຜົນ​ລະຫວ່າງ 2 ປະ​ເທດ; ​ແມ່ນ​ໝາກຜົນ​​ແຫ່ງ​ການ​ຮ່ວມ​ມື​ຕັ້ງ​ໝັ້ນ ​ແລະ ຍາວ​ນານ​ລະຫວ່ງວິ​ສາ​ຫະກິດ ຫວຽດນາມ ​- ອານ​ເຊ​ຮີ ​ແລະ ຈະ​ແມ່ນ​ການປະກອບສ່ວນ​​ຢ່າງ​ແທດ​ຈິງ​ເຂົ້າ​​ການ​ເພີ່ມ​ທະວີການ​ພົວພັນ​ມິດຕະພາບ​ທີ່ເປັນ​ນູນ​ເຊື້ອ ​ແລະ ການ​ຮ່ວມ​ມື​ອັນ​ດີງາມ​ລະຫວ່າງ 2 ປະ​ເທດ; ສ້າງ​ກຳລັງ​ແຮງ​ເພື່ອ​ໃຫ້ 2 ຝ່າຍ​ສືບ​ຕໍ່​ເປີດ​ກ້ວາງ​ການ​ຮ່ວມ​ມື​ໃນ​ຫຼາຍ​ຂົງ​ເຂດ​ໃໝ່. ທ່ານ​ນາຍົກລັດຖະມົນຕີ ປາດ​ຖະໜາ​ຢາກ 2 ຝ່າຍ​ສືບ​ຕໍ່​ການ​ຮ່ວມ​ມື​ຢ່າງ​ແໜ້ນ​ແຟ້້ນ ​ເພື່ອ​ຮັບປະກັນ​ການ​ຂຸດ​ຄົ້ນຢ່າງ​ມີ​ປະສິດທິ​ຜົນ;  ພ້ອມ​ທັງ ​ໃຫ້​ຮູ້​ວ່າ: ລັດຖະບານອານ​ເຊຣີ ​ໄດ້​ສະໜັບສະໜູນ ​ເພື່ອ​ໃຫ້ 2 ກຸ່ມ​ບໍ​ລິ​ສັດຂອງ 2 ປະ​ເທດ​ຈະໄດ້ດຳ​ເນີນ​ການ​ຂຸດ​ຄົ້ນຢູ່​ບໍ່​ໃໝ່​ອືນໆທີ່​​ໃກ້​ຄຽງ​ໃນ​ອະນາ​ຄົດ.

               ທີ່​ສຳ​ນັກງານ Sonatrach, ທ່ານ​ນາຍົກລັດຖະມົນຕີຫວຽດນາມ ຫງວຽນ​ເຕີນ​ຢູງ ​ແລະ ທ່ານ​ນາຍົກລັດຖະມົນຕີ ອານ​ເຊຣີ Abdelmalek Sellal ​ໄດ້​​ເປັນສັກຂີ​ພິຍາມ​ພິທີ​​ເຊັນ​ສັນຍາ​ຮ່ວມ​ມື​ຍຸດ​ທະ​ສາດ​ລະຫວ່າງ​ກຸ່ມ​ບໍລິສັດ​ນ້ຳມັນ​ອາຍ​ແກັສ ຫວຽດນາມ ​ແລະ Sonatrach./.