ທ່ານນາຍົກລັດຖະມົນຕີເປັນປະທານກອງປະຊຸມລັດຖະບານດ້ວຍຫົວເລື່ອງສ້າງກົດໝາຍ
(VOVWORLD) - ຕອນເຊົ້າວັນທີ 12 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມລັດຖະບານດ້ວຍຫົວເລື່ອງສ້າງກົດໝາຍໃນເດືອນກໍລະກົດປີ 2020, ສຸມໃສ່ປຶກສາຫາລືຮ່າງກົດໝາຍ 4 ສະບັບ ໃນນັ້ນມີກົດໝາຍວ່າດ້ວຍການປ້ອງກັນ, ຕ້ານຢາເສບຕິດ (ສະບັບປັບປຸງ).
 ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດເປັນປະທານກອງປະຊຸມ (ພາບ: VGP) |
ເມື່ອປະກອບຄຳເຫັນໃສ່ຮ່າງກົດໝາຍວ່າດ້ວຍການປ້ອງກັນ, ຕ້ານຢາເສບຕິດ (ສະບັບປັບປຸງ), ທ່ານນາຍົກລັດຖະມົນຕີຖືວ່າ ຮ່າງກົດໝາຍຕ້ອງສ້າງກອບນິຕິກຳທີ່ບໍ່ແຂງກະດ້າງເກີນໄປເພື່ອສ້າງເງື່ອນໄຂສະດວກໃຫ້ແກ່ວຽກງານປ້ອງກັນ, ສະກັດກັ້ນຢາເສບຕິດ. ຕາມທ່ານນາຍົກລັດຖະມົນຕີແລ້ວ, ຮ່າງກົດໝາຍໄດ້ເນັ້ນໜັກເຖິງການຮ່ວມມືສາກົນໃນການປ້ອງກັນ, ຕ້ານຢາເສບຕິດແມ່ນຈຳເປັນ ແລະ ໃນໄລຍະທີ່ຜ່ານມາ ຫວຽດນາມໄດ້ປະຕິບັດວຽກງານນີ້ເປັນຢ່າງດີ.