ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທັງເມີນກ່າວຄຳເຫັນທີ່ພິທີການເຮັດວຽກ (ພາບ: TTXVN)

ກ່າວຄຳເຫັນທີ່ການເຮັດວຽກ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທັງເມີນ ເນັ້ນໜັກວ່າ ເຊີນລາແມ່ນທ້ອງຖິ່ນທີ່ມີທີ່ຕັ້ງຍຸດທະສາດໃນບັນດາແຂວງເຂດພູດອຍທາງພາກເໜືອ, ໃນໄລຍະທີ່ຜ່ານມາ, ເຊີນລາໄດ້ມີບັນດາບາດກ້າວບຸກທະລຸໃນການພັດທະນາກະສິກຳ, ພິເສດແມ່ນກະສິກຳທີ່ນຳໃຊ້ເຕັກໂນໂລຢີສູງ. ເຊີນລາໄດ້ບັນລຸໄດ້ບັນດາໝາກຜົນທີ່ໜ້າຊຶ່ນຊົມໃນວິວັດການກໍ່ສ້າງຊົນນະບົດໃໝ່, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ.

        ທ່ານ ເຈິ່ນແທັງເມິນ ຕັກເຕືອນວ່າ ໄລຍະຈະມາເຖິງ, ແຂວງເຊີນລາ ຕ້ອງເພີ່ມທະວີ, ຍູ້ແຮງວຽກງານໂຄສະນາບັນແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ກົດໝາຍຂອງລັດ ເຖິງປະຊາຊົນທຸກຖ້ວນໜ້າ, ເປັນຕົ້ນແມ່ນພໍ່ແມ່ພີ່ນ້ອງຊາວເຜົ່າສ່ວນໜ້ອຍ. ແຂວງເຊີນລາສືບຕໍ່ເສີມຂະຫຍາຍທ່າແຮງໃນການຜະລິດກະສິກຳ, ໃນນັ້ນ ສຸມໃສ່ເຂົ້າການສ້າງໂຄງປະກອບພື້ນຖານ ກະສິກຳຄືນໃໝ່, ຫັນປ່ຽນໂຄງປະກອບແນວປູກ, ສັດລ້ຽງ ຍົກສູງຄຸນນະພາບບັນດາຜະລິດຕະພັນກະສິກຳ, ເປັນຕົ້ນແມ່ນບັນດາສິນຄ້າປະເພດສົ່ງອອກ.